| ᠴᠠᠭᠠᠨ ᠰᠠᠷᠠ ᠶᠢᠨ ᠵᠠᠩ ᠦᠢᠯᠡ ᠶᠢᠨ ᠰᠢᠯᠦᠭᠯᠡᠯ ᠮᠠᠭᠳᠠᠭᠤ | ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠪᠢᠳᠡᠭᠦᠯᠡᠶᠡ | ᠴᠠᠭ ᠤᠨ ᠰᠠᠶᠢᠬᠠᠨ ᠤ ᠡᠬᠢᠯᠡᠯᠳᠡ ᠴᠠᠭᠠᠨ ᠰᠠᠷᠠ ᠨᠢ ᠢᠷᠡᠯᠡ | ᠴᠠᠯᠭᠢᠯᠠᠬᠤ ᠪᠤᠶᠠᠨ ᠤ ᠭᠡᠰᠢᠭ ᠲᠠᠢ ᠪᠠᠷᠰ ᠰᠠᠷᠠ ᠨᠢ ᠰᠠᠭᠠᠳᠠᠯᠠ | ᠴᠠᠰᠤᠨ ᠤᠪᠤᠭᠠ ᠪᠠᠨ ᠪᠤᠰᠬᠠᠨ ᠴᠡᠪᠡᠷ ᠭᠠᠵᠠᠷ ᠴᠤᠭᠴᠠᠯᠠᠵᠦ | ᠴᠠᠯᠬᠢᠮᠠ ᠪᠦᠯᠢ ᠶᠢᠨ ᠪᠠᠶᠠᠷ ᠢᠶᠠᠨ ᠦᠶᠦᠭ ᠵᠤᠵᠠᠭᠠᠨ ᠪᠡᠯᠡᠳᠦᠶᠠ | ᠲᠡᠭᠷᠢ ᠰᠢᠳᠦᠭᠡᠨ ᠢᠶᠠᠨ ᠵᠠᠰᠠᠵᠦ᠂ ᠵᠤᠯᠠ ᠬᠦᠵᠢ ᠪᠠᠨ ᠡᠷᠭᠦᠶᠡ | ᠲᠡᠭᠡᠳᠦ ᠶᠢᠨ ᠪᠠᠶᠠᠨ ᠤᠯᠠᠮᠵᠢᠯᠠᠯ ᠢᠶᠠᠷ ᠪᠢᠳᠡᠭᠦᠨ ᠦᠳᠡᠰᠢ ᠪᠠᠨ ᠪᠡᠯᠭᠡᠳᠡᠶᠡ | ᠪᠤᠭᠤᠷᠤᠯ ᠨᠠᠰᠤᠳᠠᠳ ᠢᠶᠠᠨ ᠵᠠᠯᠠᠨ ᠠᠮᠳᠠᠳᠠᠨ ᠤ ᠲᠡᠭᠡᠵᠢ ᠪᠠᠷ ᠪᠠᠶᠠᠰᠬᠠᠵᠦ | ᠪᠢᠳᠡᠭᠦᠤ ᠲᠤᠯᠤᠭᠠᠢ ᠪᠠᠨ ᠵᠠᠭᠠᠵᠦ ᠪᠤᠳᠤᠩ ᠤᠨ ᠠᠮᠠᠰᠠᠷ ᠢᠶᠠᠨ ᠨᠡᠭᠡᠭᠡᠶᠡ | ᠪᠡᠯᠭᠡᠳᠡᠯ ᠤᠨ ᠢᠷᠦᠭᠡᠯ ᠲᠠᠯᠪᠢᠭᠤᠯᠤᠨ ᠪᠤᠶᠠᠨ ᠭᠡᠰᠢᠭ ᠬᠤᠷᠢᠶᠠᠵᠦ | ᠪᠡᠷᠭᠡ ᠬᠠᠳᠠᠭᠤ ᠶᠢ ᠲᠠᠪᠠᠭ᠋ᠤ ᠪᠠᠷ ᠬᠡᠶᠢᠮᠦᠷᠢ ᠰᠦᠯᠳᠡ ᠪᠠᠨ ᠮᠠᠨᠳᠤᠭᠤᠯᠤᠶᠠ | ᠪᠢᠳᠡᠭᠦᠤ ᠬᠤᠭᠤᠯᠠ ᠪᠠᠨ ᠠᠮᠰᠠᠵᠦ ᠢᠳᠡᠭᠡᠨ ᠤ ᠦᠩ ᠢᠶᠠᠷ ᠵᠢᠷᠭᠠᠵᠦ | ᠪᠦᠯᠢ ᠶᠢᠨ ᠬᠠᠯᠠᠭᠤᠨ ᠤᠯᠠᠨ ᠳᠠᠭᠠᠨ ᠪᠢᠳᠡᠭᠦᠨ ᠤ ᠬᠤᠪᠢ ᠪᠠᠨ ᠲᠦᠭᠡᠭᠡᠶᠡ | ᠠᠵᠢᠨᠠᠢ ᠬᠦᠯᠦᠭ ᠢᠶᠠᠨ ᠰᠦᠢᠵᠦ᠂ ᠭᠠᠩᠭᠠᠨ ᠬᠤᠪᠴᠠᠰᠤ ᠪᠠᠨ ᠭᠡᠳᠤᠷᠴᠤ | ᠠᠶᠢᠯ ᠳᠤ ᠬᠠᠷᠢᠯᠠᠭᠰᠠᠳ ᠢᠶᠠᠨ ᠡᠷᠬᠢᠵᠦ ᠡᠯᠢᠭᠡᠨ ᠬᠤᠯᠪᠤᠭᠠ ᠪᠠᠨ ᠲᠤᠷᠠᠰᠤᠶᠠ | ᠠᠮᠢᠳᠤ ᠶᠢᠨ ᠵᠢᠷᠭᠠᠯ ᠳᠠᠭᠠᠨ ᠱᠤᠩᠪᠤᠵᠦ ᠡᠷᠦᠬᠡ ᠭᠡᠷ ᠢᠶᠠᠷ ᠢᠶᠠᠨ ᠬᠦᠭᠵᠢᠨ | ᠠᠮᠤᠭᠤᠯᠠᠩᠳᠦ ᠲᠦᠷᠦ ᠪᠠᠨ ᠲᠠᠭᠤᠯᠠᠵᠦ ᠡᠩᠭᠡ ᠠᠮᠢᠳᠤᠷᠠᠯ ᠳᠠᠭᠠᠨ ᠰᠤᠭᠳᠤᠭᠤᠷᠠᠶᠠ | ᠮᠡᠨᠳᠦ ᠰᠠᠶᠢᠬᠠᠨ ᠰᠢᠨᠡᠯᠡᠶᠡ | ᠪᠠᠷᠰ ᠴᠠᠭ ᠲᠤ ᠲᠡᠭᠡᠭᠰᠢᠯᠡᠵᠦ ᠠᠯᠳᠠᠨ ᠤᠪᠤᠭᠠᠨ ᠳᠠᠭᠠᠨ ᠭᠠᠷᠤᠶᠠ | ᠪᠠᠳᠠᠷᠠᠩᠭᠤᠢ ᠲᠡᠭᠷᠢ ᠪᠠᠨ ᠪᠠᠶᠠᠰᠬᠠᠵᠦ ᠵᠤᠯᠠ ᠶᠢᠨ ᠲᠡᠭᠡᠵᠢ ᠪᠠᠨ ᠡᠷᠭᠦᠶᠡ | ᠬᠡᠶᠢᠮᠦᠷᠢ ᠶᠢᠨ ᠵᠦᠭ ᠲᠤ ᠮᠤᠷᠳᠡᠵᠦ ᠪᠠᠷᠴᠢᠳ ᠪᠦᠬᠦᠨ ᠢ ᠲᠤᠨᠢᠯᠭᠠᠨ | ᠭᠡᠰᠢᠭ ᠤᠨ ᠵᠦᠭ ᠠᠴᠠ ᠢᠷᠡᠵᠦ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠵᠢᠷᠭᠠᠶᠠ | ᠠᠵᠠᠢ ᠪᠤᠭᠤᠷᠤᠯ ᠠᠪᠤ ᠡᠵᠢ ᠳᠡᠭᠡᠨ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠷ ᠬᠢᠴᠢᠶᠡᠩᠭᠦ᠋ᠢᠯᠡᠨ | ᠠᠮᠤᠷ ᠮᠠᠨᠳᠦ ᠶᠢ ᠨᠢ ᠠᠰᠠᠭᠤᠵᠦ ᠠᠰᠢᠳᠠ ᠶᠢᠨ ᠵᠢᠷᠭᠠᠯ ᠢᠶᠠᠷ ᠵᠤᠯᠭᠠᠶᠠ | ᠠᠯᠳᠠᠨ ᠢᠷᠦᠭᠡᠯ ᠢ ᠨᠢ ᠰᠢᠩᠭᠡᠭᠡᠨ ᠤᠶᠤᠨ ᠤ ᠪᠠᠶᠠᠰᠤᠯ ᠪᠤᠯᠭᠠᠵᠦ | ᠠᠭᠳᠠ ᠶᠢᠨ ᠨᠢᠷᠤᠭᠤᠨ ᠳᠤ ᠮᠤᠷᠳᠡᠵᠦ ᠠᠶᠢᠯ ᠤᠯᠠᠨ ᠳᠠᠭᠠᠨ ᠰᠢᠨᠡᠯᠡᠶᠡ | ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠲᠠᠴᠢᠭᠢᠨᠠᠨ ᠬᠡᠤᠬᠡᠳ ᠬᠦᠭᠡᠷᠦᠯᠳᠦᠨ ᠮᠠᠷᠰᠠᠶᠢᠯᠠᠨᠠ | ᠬᠦᠷᠦᠰᠦᠳᠦ ᠲᠡᠯᠡᠬᠡᠢ ᠴᠢᠮᠡᠭᠷᠡᠨ ᠡᠪᠦᠭᠡᠳ ᠤᠨ ᠶᠠᠷᠢᠶᠠ ᠬᠦᠤᠷᠨᠢᠯᠳᠦᠨᠡ | ᠰᠢᠵᠢᠷ ᠪᠤᠭᠳᠠ ᠶᠢᠨ ᠰᠢᠯᠢ ᠪᠠᠷ ᠡᠭᠡᠰᠢᠭ ᠲᠠᠭᠤᠨ ᠪᠢᠯᠬᠠᠷᠠᠵᠦ | ᠰᠢᠨᠡ ᠰᠠᠷᠠ ᠶᠢᠨ ᠪᠠᠶᠠᠷ ᠬᠦᠳᠡᠭᠡ ᠲᠠᠯᠠ ᠪᠠᠨ ᠪᠠᠶᠠᠰᠬᠠᠨᠠ | ᠰᠢᠨᠡ ᠮᠠᠨᠳᠤ ᠶᠢᠨ ᠵᠤᠯᠭᠠᠯᠳᠠ ᠬᠦᠮᠦᠨ ᠪᠦᠬᠦᠨ ᠤ ᠪᠠᠶᠠᠰᠤᠯ | ᠰᠢᠮᠡ ᠰᠠᠶᠢᠳᠠᠢ ᠬᠠᠶᠢᠷᠤᠭᠤᠯ ᠢᠶᠠᠷ ᠭᠡᠰᠢᠭ ᠤᠨ ᠬᠠᠷᠢᠭᠤ ᠱᠠᠩᠨᠠᠨᠠ | ᠴᠠᠭᠠᠨᠳᠡᠢ ᠪᠠᠨ ᠠᠮᠬᠠᠷᠠᠭᠤᠯᠵᠦ ᠴᠠᠭ ᠤᠨ ᠰᠠᠶᠢᠬᠠᠨ ᠢ ᠪᠡᠯᠭᠡᠳᠡᠨᠡ | ᠴᠠᠢ ᠬᠤᠭᠤᠯᠠ ᠪᠠᠨ ᠠᠶᠠᠭᠠᠯᠠᠵᠦ ᠰᠡᠳᠭᠢᠯ ᠤᠨ ᠪᠠᠶᠠᠨ ᠢ ᠢᠯᠡᠳᠭᠡᠨᠡ | ᠰᠠᠷᠬᠤᠳ ᠤᠨ ᠲᠡᠭᠡᠵᠢ ᠬᠡᠮᠨᠡᠬᠦ ᠳᠤ ᠢᠷᠦᠭᠡᠯ ᠵᠦᠩᠨᠡᠯ ᠤᠨ ᠬᠠᠷᠢᠭᠤ ᠲᠠᠢ | ᠰᠠᠨᠠᠭᠠ ᠰᠡᠳᠭᠢᠯ ᠢ ᠬᠦᠭᠵᠢᠭᠡᠬᠦ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠮᠢᠯᠢᠶᠠᠯᠳᠠ ᠲᠠᠢ | ᠰᠠᠨᠰᠠᠷ ᠲᠤ ᠲᠤᠯᠬᠤ ᠲᠤᠤᠯᠢᠶᠠᠨ ᠡᠪᠦᠭᠡᠳ ᠵᠠᠯᠠᠭᠤᠰ ᠤᠨ ᠨᠠᠷᠬᠢᠶᠠᠨ | ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠡᠭᠡᠰᠢᠭᠯᠡᠩ ᠠᠶᠢᠯ ᠭᠡᠷ ᠤᠨ ᠵᠢᠷᠭᠠᠯᠠᠩ | ᠨᠠᠮ ᠤᠨ ᠲᠤᠭ ᠤᠨ ᠨᠠᠮᠢᠷᠠᠭᠠᠨ ᠲᠠᠢ ᠬᠢᠯᠢ ᠶᠢᠨ ᠮᠠᠯᠴᠢᠳ ᠴᠡᠩᠭᠡᠯᠳᠡᠢ | ᠨᠠᠰᠤᠨ ᠤ ᠪᠤᠶᠠᠨ ᠡᠳ᠋ᠯᠡᠭᠰᠡᠨ ᠬᠦᠮᠦᠨ ᠪᠦᠬᠦᠨ ᠮᠦᠰᠢᠶᠡᠯ ᠲᠠᠢ | ᠲᠦᠷᠦ ᠶᠢᠨ ᠰᠦᠯᠳᠡ ᠶᠢᠨ ᠢᠪᠡᠭᠡᠯ ᠲᠠᠢ ᠠᠷᠠᠳ ᠤᠯᠠᠨ ᠠᠮᠤᠭᠤᠯᠠᠩ | ᠲᠦᠮᠡᠨ ᠤ ᠦᠢᠯᠡᠰ ᠤᠨ ᠳᠡᠭᠵᠢᠷᠡᠯ ᠲᠠᠢ ᠤᠯᠤᠰ ᠤᠷᠤᠨ ᠨᠠᠶᠢᠷᠠᠮᠳᠠᠯ ᠲᠠᠢ᠃ | ᠤᠷᠢᠶᠠᠩᠬᠠᠨ ᠤ · ᠶᠤᠨᠳᠤᠨ | |