ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/1/2
      ᠴᠠᠭᠠᠨ ᠥᠩᠭᠡ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠭᠢᠮᠯᠠᠨ ᠭᠥᠨᠳᠥᠳᠭᠡᠳᠡᠭ ᠥᠩᠭᠡ ᠨᠦᠭᠦᠳ ᠤᠨ ᠲᠤᠳᠤᠷᠠᠭᠢ ᠴᠢᠬᠤᠯᠨ ᠨᠢᠭᠡ ᠥᠩᠭᠡ ᠨᠢ ᠮᠥᠨ᠃ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠠᠨ ᠭᠥᠨᠳᠥᠳᠭᠡᠭᠦ ᠨᠢ ᠡᠷᠳᠠ ᠥᠶ᠎ᠠ ᠶᠢᠨ ᠡᠭᠦᠰᠤᠯ ᠲᠠᠢ ᠪᠥᠭᠡᠳ ᠲᠠᠷᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠡᠳᠥᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠪᠤᠯᠤᠨ ᠨᠠᠶᠢᠭᠡᠮ ᠤᠨ ᠠᠵᠢᠯᠯᠠᠭᠠᠨ ᠤ ᠤᠯᠠᠨ ᠲᠠᠯ᠎ᠠ ᠲᠠᠢ ᠨᠢᠬᠳᠠ ᠬᠤᠯᠪᠤᠭᠳᠠᠵᠤ᠂ ᠲᠠᠥᠭᠡ ᠰᠤᠶᠤᠯ ᠤᠨ ᠲᠤᠨᠤᠳᠠᠰᠤ ᠶᠢᠨ ᠬᠤᠪᠢ ᠪᠠᠷ ᠮᠤᠩᠭᠤᠯ ᠵᠠᠩ ᠥᠢᠯᠨ ᠶᠢᠨ ᠭᠥᠷᠢᠶᠠᠨ ᠳᠤ ᠥᠪᠡᠷᠮᠢᠴᠠ ᠤᠨᠴᠠᠭᠠᠢ ᠤᠨᠴᠠᠯᠢᠭ ᠢᠶᠠᠷ ᠲᠤᠭᠳᠠᠪᠤᠷᠢᠵᠢᠨ ᠪᠥᠷᠢᠯᠳᠤᠵᠤ᠂ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠠᠵᠠᠢ᠃ 　 ᠴᠠᠭᠠᠨ ᠥᠩᠭᠡ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠥᠢᠯᠡᠰ ᠪᠤᠶᠤ ᠲᠡᠭᠦᠨ ᠢ ᠲᠡᠭᠡᠳᠥᠯᠡᠨ ᠥᠵᠡᠭᠦ ᠵᠠᠩᠰᠢᠯ ᠢ ᠲᠡᠤᠭᠡ ᠰᠤᠳᠤᠷ᠂ ᠰᠤᠷᠪᠤᠯᠵᠢ ᠪᠢᠴᠢᠭ ‍ᠠᠴᠠ ᠠᠵᠢᠬᠯᠠᠬᠤ ᠳᠤ᠂ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠤ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾᠂ ᠳ᠋ᠣᠰᠰᠤᠨ ᠤ ︽ᠮᠤᠩᠭᠤᠯ ᠤᠨ ᠲᠡᠤᠭᠡ︾᠂ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠵᠡᠷᠭᠡ ᠳᠤ ᠠᠯᠢ ᠤᠯᠠᠨ ᠲᠠᠮᠳᠡᠭᠯᠡᠯ ᠪᠠᠶᠢᠳᠠᠭ᠃ ᠲᠤᠬᠠᠢᠢᠯᠠᠪᠠᠯ᠂ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠤ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾ ᠳᠤ ᠲᠠᠮᠳᠡᠭᠯᠡᠵᠤ ᠪᠠᠶᠢᠭ᠎ᠠ ᠡᠷᠭᠢᠨ᠎ᠠ ᠬᠤᠨ ᠳᠤ ᠨᠤᠳᠤᠭᠰᠢᠵᠤ ᠥᠷᠡᠵᠢᠭᠰᠡᠨ ᠭᠢᠶᠠᠨ᠂ ᠨᠡᠭᠦᠰ ᠬᠤᠶᠠᠷ ᠤᠪᠤᠭ ᠪᠤᠯ ᠮᠤᠩᠭᠤᠯ ᠤᠭᠰᠠᠭᠠᠳᠠᠨ ᠤ ᠲᠡᠭᠡᠳᠥᠰ ᠪᠤᠯᠬᠤ ᠪᠠ ︽ᠭᠢᠶᠠᠨ︾ ᠭᠡᠳᠡᠭ ᠲᠥᠷᠺ ᠥᠭᠡ ᠨᠢ ᠮᠤᠩᠭᠤᠯ ᠢᠶᠠᠷ ︽ᠴᠠᠭᠠᠨ︾ ᠭᠡᠰᠡᠡ ᠤᠳᠬ᠎ᠠ ᠲᠠᠢ︔ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠬᠠᠭᠤᠳᠠᠰᠤ ᠡᠭᠢᠯᠡᠮᠡᠭᠴᠠ ᠥᠭᠦᠯᠡᠭᠰᠡᠨ ︽ᠴᠢᠩᠭᠢᠰ ᠬᠠᠭᠠᠨ ᠤ ᠢᠵᠠᠭᠤᠷ ᠲᠡᠭᠡᠷ᠎ᠠ ᠲᠡᠭᠷᠢ ‍ᠠᠴᠠ ᠵᠠᠶᠠᠭᠠᠳᠤ ᠲᠥᠷᠥᠭᠰᠡᠨ ᠪᠥᠷᠳᠠ ᠴᠢᠨ᠋ᠸ᠎ᠠ ᠠᠵᠤᠭᠤ᠂ ᠭᠡᠷᠭᠡᠢ ᠢᠨᠥ ᠬᠤᠸ᠋ᠨ ᠮᠠᠷᠠᠯ ᠠᠵᠢ︾ ᠭᠡᠳᠡᠭ ᠤᠨ ︽ᠬᠤᠸ᠋ᠨ ᠮᠠᠷᠠᠯ︾ ᠨᠢ ᠰᠠᠭᠠᠷᠠᠯ ᠪᠤᠶᠤ ᠴᠠᠭᠠᠨ ᠪᠤᠭᠤ ᠪᠤᠯᠬᠤ︔ ᠮᠥᠨ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠭᠢᠶᠠᠳ ᠢᠷᠭᠡᠨ ᠤ ᠰᠥᠯᠳᠠ ᠶᠢ ᠴᠠᠭᠠᠨ ᠱᠤᠩᠬᠤᠷ ᠭᠡᠵᠥ ᠥᠵᠡᠭᠦ ᠮᠠᠳᠤ᠃ 　       ᠮᠤᠩᠭᠤᠯᠴᠤᠳ᠂ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠠᠵᠤ᠂ ᠭᠥᠨᠳᠥᠳᠭᠡᠨ ᠥᠵᠡᠳᠡᠭ ᠨᠢ ᠡᠷᠳᠠᠨ ᠤ ᠮᠤᠩᠭᠤᠯ ᠤᠭᠰᠠᠭ᠎ᠠ ᠠᠶᠢᠮᠠᠭ ᠤᠨ ᠠᠩᠬᠠᠨ ᠤ ᠰᠢᠳᠥᠯᠭᠡ ᠪᠤᠯᠬᠤ ᠪᠥᠭᠡ ᠰᠢᠳᠥᠯᠭᠡ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠶᠤᠮ᠃ 13 ᠳ᠋ᠤᠭᠠᠷ ᠵᠠᠭᠤᠨ ‍ᠠᠴᠠ ᠡᠮᠥᠨ᠎ᠠ᠂ ᠮᠤᠩᠭᠤᠯ ᠤᠨ ᠤᠯᠠᠨ ᠤᠭᠰᠠᠭ᠎ᠠ ᠠᠶᠢᠮᠠᠭ ᠤᠨ ᠲᠤᠳᠤᠷ᠎ᠠ ᠪᠥᠭᠡ ᠰᠢᠳᠥᠯᠭᠡ ᠥᠷᠭᠡᠨ ᠲᠠᠯᠭᠡᠷ ᠥᠷᠨᠢᠯ ᠭᠥᠭᠵᠢᠯ ᠢᠶᠠᠨ ᠤᠯᠵᠤ᠂ ᠶᠡᠭᠡᠭᠡᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠭᠰᠠᠨ ᠪᠥᠭᠡᠳ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠭᠢ ᠪᠠᠷ ᠴᠢᠩᠭᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠨᠢᠭᠡᠳᠥᠭᠰᠡᠨ ᠤᠯᠤᠰ ᠪᠠᠶᠢᠭᠤᠯᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠪᠥᠭᠡ ᠰᠢᠳᠥᠯᠭᠡ ᠶᠢ ᠲᠥᠷᠥ ᠶᠢᠨ ᠲᠥᠪᠯᠡᠷᠡᠭᠰᠡᠨ ᠱᠠᠰᠢᠨ ᠤ ᠥᠨᠳᠤᠷ ᠪᠠᠶᠢᠷᠢ ᠰᠠᠭᠤᠷᠢ ᠳᠤ ᠡᠷᠭᠦᠨ ᠲᠠᠯᠪᠢᠭᠰᠠᠨ ᠪᠠᠶᠢᠨ᠎ᠠ᠃ ᠪᠥᠭᠡ ᠰᠢᠳᠥᠯᠭᠡ ᠨᠢ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮ ᠳᠤ ᠥᠵᠡᠵᠤ᠂ ᠴᠠᠭᠠᠨ ᠥᠩᠭᠡ ᠪᠠᠷ ᠥᠪᠠᠷ ᠤᠨ ᠲᠤᠭ ᠲᠠᠮᠳᠡᠭ ᠢᠶᠠᠨ ᠪᠤᠯᠭᠠᠭᠰᠠᠨ ᠤᠨᠴᠠᠯᠢᠭ ᠲᠠᠢ᠃ ᠡᠨᠡ ᠲᠤᠬᠠᠢ ᠲᠠᠥᠭᠡ ᠰᠤᠳᠤᠷ᠂ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠨ ᠲᠠᠮᠳᠡᠭᠯᠡᠯ ᠢ ᠥᠨᠳᠥᠰᠤᠯᠡᠪᠠᠯ᠂ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ᠂ ︽ᠬᠤᠷᠴᠢ ᠢᠷᠠᠵᠤ ᠥᠭᠦᠯᠡᠷᠥᠨ᠄ ᠪᠤᠳᠤᠨᠴᠠᠷ ᠪᠤᠭᠳᠠ ᠶᠢᠨ ᠪᠠᠷᠢᠵᠤ ᠠᠪᠤᠭᠰᠠᠨ ᠡᠮ᠎ᠠ ‍ᠠᠴᠠ ᠲᠥᠷᠥᠭᠰᠡᠨ ᠪᠠ᠂ ᠵᠠᠮᠤᠬ᠎ᠠ ᠯᠤᠭ᠎ᠠ ᠭᠡᠪᠡᠯᠢ ᠨᠢᠭᠡᠳᠠᠨ ᠭᠡᠭᠡ ᠭᠠᠭᠴᠠᠳᠠᠨ ᠪᠤᠯᠠᠢ ᠪᠠ᠃ ᠵᠠᠮᠤᠬ᠎ᠠ ‍ᠠᠴᠠ ᠥᠯᠥ ᠬᠠᠭᠠᠴᠠᠬᠤᠨ ᠪᠥᠯᠥᠭᠡ ᠪᠠ᠃ ᠵᠠᠭᠠᠷᠢᠨ ᠢᠷᠠᠵᠤ ᠨᠠᠳᠤᠷ ᠨᠢᠳᠥᠨ ᠳᠤᠷ ᠢᠶᠠᠨ ᠥᠵᠡᠭᠦᠯᠪᠠᠢ᠃ ᠬᠤᠸᠠᠭᠴᠢᠨ ᠥᠨᠢᠶᠠᠨ ᠢᠷᠠᠵᠤ ᠵᠠᠮᠤᠬ᠎ᠠ ᠶᠢ ᠤᠷᠴᠢᠵᠤ ᠶᠠᠪᠤᠵᠤ᠂ ᠭᠡᠷ ᠲᠡᠷᠭᠡᠨ ᠢᠨᠥ ᠮᠥᠷᠭᠦᠯᠡᠭᠡᠳ ᠵᠠᠮᠤᠬ᠎ᠠ ᠶᠢ ᠮᠥᠷᠭᠦᠵᠥ᠂ ᠥᠷᠥᠭᠡᠯᠨ ᠡᠪᠡᠷ ᠢᠶᠠᠨ ᠬᠤᠭᠤᠯᠵᠤ ᠰᠤᠯᠵᠢᠷ ᠡᠪᠠᠷᠳᠥ ᠪᠤᠯᠵᠤ ︿ᠡᠪᠠᠷ ᠮᠢᠨᠥ ᠠᠴᠠ﹀ ᠭᠡᠮᠡᠨ ᠭᠡᠮᠡᠨ᠂ ᠵᠠᠮᠤᠬ᠎ᠠ ᠶᠢᠨ ᠵᠥᠭ ᠮᠥᠭᠡᠷᠡᠨ ᠮᠥᠭᠡᠷᠡᠨ᠂ ᠰᠢᠷᠥᠢ ᠰᠠᠴᠤᠨ ᠰᠠᠴᠤᠨ ᠪᠠᠶᠢᠮᠤ᠃ ᠮᠤᠬᠤᠯᠠᠷ ᠬᠤᠸ᠋ᠨ ᠥᠭᠡᠷ ᠶᠡᠭᠡ ᠭᠡᠷᠯᠥᠭᠡ ᠲᠡᠭᠡᠷ᠎ᠠ ᠡᠷᠭᠦᠵᠥ ᠭᠥᠯᠥᠳ ᠵᠢᠭᠳᠦᠵᠥ᠂ ᠲᠠᠮᠤᠵᠢᠨ ᠤ ᠬᠤᠶᠢᠨ᠎ᠠ ‍ᠠᠴᠠ ᠶᠡᠭᠡ ᠲᠡᠷᠭᠡᠭᠦᠷ ᠢᠶᠠᠷ ᠮᠥᠭᠡᠷᠡᠨ ᠮᠥᠭᠡᠷᠠᠨ ᠠᠶᠢᠰᠤᠷᠤᠨ᠄ ︿ᠲᠡᠭᠷᠢ ᠭᠠᠵᠠᠷ ᠡᠶᠡᠳᠤᠯᠳᠤᠵᠤ᠂ ᠲᠠᠮᠤᠵᠢᠨ ᠢ ᠤᠯᠤᠰ ᠤᠨ ᠡᠵᠡᠨ ᠪᠤᠯᠳᠤᠭᠠᠢ ᠭᠡᠮᠡᠨ᠂ ᠤᠯᠤᠰ ᠲᠡᠭᠡᠭᠡᠵᠥ ᠠᠪᠴᠤ ᠠᠶᠢᠰᠥ﹀ ᠭᠡᠮᠡᠨ᠂ ᠵᠠᠭᠠᠷᠢᠳ ᠨᠢᠳᠥᠨ ᠳᠤᠷ ᠥᠵᠡᠭᠦᠯᠵᠥ ᠨᠠᠳᠤᠷ ᠵᠢᠭᠠᠮᠤᠢ︾ ᠭᠡᠵᠥ ᠴᠢᠩᠭᠢᠰ ᠤᠨ ᠬᠠᠭᠠᠨ ᠤ ᠤᠷᠤ ᠰᠠᠭᠤᠬᠤ ᠶᠢ ᠲᠡᠭᠷᠢ ᠲᠤᠭᠳᠠᠭᠠᠵᠤ ᠪᠠᠶᠢᠭ᠎ᠠ ᠪᠥᠭᠡᠳ ᠲᠡᠭᠷᠢ ᠶᠢᠨ ᠰᠠᠨᠠᠭ᠎ᠠ ᠶᠢ ᠵᠠᠭᠠᠷᠢᠨ ᠲᠠᠮᠵᠢᠭᠤᠯᠵᠤ ᠪᠠᠶᠢᠬᠤ ᠪᠠᠷ ᠥᠭᠦᠯᠡᠵᠠᠢ᠃ ᠡᠨᠡ ᠨᠢ ᠪᠥᠭᠡ ᠰᠢᠳᠥᠯᠭᠡ ᠶᠢᠨ ᠭᠥᠴᠤ ᠨᠥᠯᠥᠭᠡ᠂ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠥᠨᠳᠥᠷ ᠢᠶᠠᠷ ᠥᠨᠡᠯᠡᠭᠰᠡᠨ ᠤ ᠬᠠᠮᠳᠤ᠂ ᠲᠤᠷᠠᠳᠤᠭᠳᠠᠵᠤ ᠪᠠᠶᠢᠭ᠎ᠠ ᠬᠤᠸᠠᠭᠴᠢᠨ ᠥᠨᠢᠶ᠎ᠠ᠂ ᠬᠤᠸ᠋ᠨ ᠥᠭᠡᠷ ᠨᠢ ᠴᠠᠶᠢᠪᠤᠷ᠂ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠡᠨ ᠥᠵᠡᠭᠰᠡᠨ ᠥᠵᠡᠯ ᠰᠠᠳᠭᠢᠯᠭᠡ ᠶᠢᠨ ᠢᠯᠠᠷᠠᠯ ᠶᠤᠮ᠃ ᠪᠥᠭᠡ ᠰᠢᠳᠥᠯᠭᠡ ᠳᠤ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠡᠳᠡᠭ ᠤᠴᠢᠷ ‍ᠠᠴᠠ ᠪᠥᠭᠡ ᠰᠢᠳᠥᠯᠭᠡ ᠶᠢᠨ ᠥᠢᠯᠨ ᠶᠢ ᠡᠷᠭᠢᠯᠡᠨ ᠶᠠᠪᠤᠭᠤᠯᠤᠭᠴᠢ ᠨᠢ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠥᠰᠴᠤ᠂ ᠴᠠᠭᠠᠨ ᠮᠤᠷᠢ ᠤᠨᠤᠳᠠᠭ ᠪᠠᠶᠢᠪᠠ᠃ ᠴᠠᠭᠠᠨ ᠥᠩᠭᠡ ᠶᠢ ᠡᠨᠡ ᠮᠠᠳᠤ ᠡᠷᠭᠢᠮ ᠳᠤ ᠥᠵᠡᠳᠡᠭ ᠪᠤᠯᠬᠤᠷ᠂ ᠲᠠᠮᠤᠵᠢᠨ᠂ ᠵᠠᠮᠤᠬ᠎ᠠ ᠬᠤᠶᠠᠷ ᠠᠨᠳᠠ ᠪᠤᠯᠤᠯᠴᠠᠬᠤ ᠳᠤ ᠪᠠᠨ ︽ᠲᠠᠮᠤᠵᠢᠨ ᠮᠠᠷᠭᠢᠳ ᠤᠨ ᠲᠤᠭᠳᠤᠭ᠎ᠠ ᠶᠢ ᠠᠷᠪᠢᠯᠠᠵᠤ ᠠᠪᠤᠭᠰᠠᠨ ᠠᠯᠳᠠᠨ ᠪᠥᠰᠡ ᠵᠠᠮᠤᠬ᠎ᠠ ᠠᠨᠳᠠ ᠳᠤ ᠪᠥᠰᠡᠯᠡᠭᠦᠯᠪᠠᠢ᠃ ᠲᠤᠭᠳᠤᠭ᠎ᠠ ᠶᠢᠨ ᠡᠰᠭᠡᠯ ᠬᠠᠯᠢᠭᠤᠨ ᠢ ᠵᠠᠮᠤᠬ᠎ᠠ ᠠᠨᠳᠠ ᠳᠤ ᠤᠨᠤᠭᠤᠯᠪᠠᠢ᠃ ᠵᠠᠮᠤᠬ᠎ᠠ ᠤᠸᠠᠰ ᠮᠠᠷᠭᠢᠳ ᠤᠨ ᠲᠠᠶᠢᠷ ᠤᠰᠤᠨ ᠢ ᠠᠷᠪᠢᠯᠠᠵᠤ ᠠᠪᠤᠭᠰᠠᠨ ᠠᠯᠳᠠᠨ ᠪᠥᠰᠡ ᠲᠠᠮᠤᠵᠢᠨ ᠠᠨᠳᠠ ᠳᠤ ᠪᠥᠰᠡᠯᠡᠭᠦᠯᠪᠠᠢ᠃ ᠲᠠᠶᠢᠷ ᠤᠰᠤᠨ ᠤ ᠭᠦ ᠡᠪᠡᠷᠳᠥ ᠥᠨᠥᠭᠦᠨ ᠴᠠᠭᠠᠬᠠᠨ ᠢ ᠲᠠᠮᠤᠵᠢᠨ᠎ᠠ ᠤᠨᠤᠭᠤᠯᠪᠠᠢ︾ ᠭᠡᠵᠤ ᠪᠤᠢ᠃ ᠢᠩᠭᠢᠵᠤ ᠠᠨᠳᠠ ᠪᠤᠯᠤᠯᠴᠠᠬᠤ ᠡᠷᠭᠢᠮ ᠥᠢᠯᠠᠰ ᠤᠨ ᠢᠶᠠᠨ ᠥᠨᠡᠳᠤ ᠪᠡᠯᠡᠭ ᠲᠤ ᠴᠠᠭᠠᠨ ᠮᠤᠷᠢ ᠤᠨᠤᠭᠤᠯᠵᠤ ᠪᠠᠶᠢᠭ᠎ᠠ ᠨᠢ ᠮᠥᠨ ᠭᠦ ᠴᠠᠭᠠᠨ ᠥᠩᠭᠡ ᠶᠢᠨ ᠲᠤᠬᠠᠢ ᠡᠷᠭᠢᠮᠯᠠᠯ ᠭᠥᠨᠳᠥᠳᠭᠡᠯ᠂ ᠰᠢᠳᠥᠯᠭᠡ ᠪᠢᠰᠢᠷᠠᠯ ᠤᠨ ᠭᠢᠨᠢ ᠰᠡᠳᠭᠢᠯᠭᠡ ᠶᠢᠨ ᠪᠤᠳᠠᠳᠤ ᠢᠯᠠᠷᠠᠯ ᠪᠤᠯᠬᠤ ᠶᠤᠮ᠃ 　 ᠲᠠᠷᠠᠴᠢᠯᠠᠨ ᠴᠢᠩᠭᠢᠰ ᠬᠠᠭᠠᠨ᠂ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠭᠢᠨ ᠳᠤ ᠤᠯᠠᠨ ᠮᠤᠩᠭᠤᠯᠵᠢᠨ ᠠᠶᠢᠮᠠᠭ ᠢ ᠨᠢᠭᠡᠳᠭᠡᠨ ᠮᠤᠩᠭᠤᠯ ᠤᠨ ᠲᠤᠯᠭᠤᠷ ᠲᠥᠷᠥ ᠶᠢ ᠪᠠᠶᠢᠭᠤᠯᠬᠤ ᠳᠤ ᠪᠠᠨ ᠤᠨᠤᠨ ᠤ ᠲᠡᠷᠢᠭᠦᠨ᠎ᠠ ᠬᠤᠷᠠᠵᠤ᠂ ᠶᠢᠰᠥᠨ ᠭᠥᠭᠦᠯᠳᠥ ᠴᠠᠭᠠᠨ ᠲᠤᠭ ᠮᠠᠨᠳᠤᠭᠤᠯᠤᠨ᠂ ᠴᠠᠭᠠᠨ ᠥᠩᠭᠡ ᠶᠢ ᠲᠡᠭᠡᠳᠥ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠭᠰᠠᠨ ᠢᠶᠠᠷ ᠴᠠᠭᠠᠨ ᠥᠩᠭᠡ ᠨᠢ ᠨᠠᠶᠢᠭᠡᠮ ᠤᠨ ᠠᠵᠢᠯᠯᠠᠭᠠᠨ ᠤ ᠨᠠᠩ ᠥᠷᠭᠡᠨ ᠭᠡᠪᠴᠢᠶᠠᠨ ᠳᠤ ᠥᠷᠭᠡᠵᠢᠨ ᠲᠡᠯᠡᠵᠤ᠂ ᠮᠤᠩᠭᠤᠯ ᠠᠷᠠᠳ ᠤᠨ ᠵᠠᠩ ᠥᠢᠯᠨ ᠳᠤ ᠨᠠᠪᠴᠢᠨ ᠰᠢᠩᠭᠡᠭᠦ ᠥᠨᠳᠥᠰᠤ ᠰᠠᠭᠤᠷᠢ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠡᠨᠡ ᠲᠠᠯ᠎ᠠ ᠪᠠᠷ ᠪᠤᠳᠠᠳᠤ ᠵᠢᠱᠢᠶ᠎ᠠ ᠲᠤᠷᠠᠳᠪᠠᠯ᠂ ︽ᠮᠠᠷᠺᠦ ᠫᠤᠯᠤ ᠶᠢᠨ ᠠᠶᠠᠯᠠᠯ ᠤᠨ ᠲᠠᠮᠳᠡᠭᠯᠡᠯ︾ ᠳᠤ᠂ ︽ᠲᠠᠲ᠋ᠠᠷ ᠭᠥᠮᠥᠨ ᠪᠤᠯᠪᠠᠰᠤ ᠵᠢᠯ ᠪᠥᠷᠢ ᠶᠢᠨ ᠬᠤᠶᠠᠳᠤᠭᠠᠷ ᠰᠠᠷ᠎ᠠ ᠪᠠᠷ ᠵᠢᠯ ᠤᠨ ᠡᠭᠢᠨ ᠤ ᠡᠳᠥᠷ ᠪᠤᠯᠭᠠᠬᠤ ᠠᠨᠤ ᠨᠢᠭᠡᠨᠳᠠ ᠲᠤᠭᠳᠠᠭᠰᠠᠨ ᠥᠨᠡᠨ ᠭᠡᠷᠡᠭ ᠪᠤᠢ᠃ ᠡᠨᠡ ᠡᠳᠥᠷ ᠲᠤ ᠶᠡᠭᠡ ᠬᠠᠭᠠᠨ ᠭᠢᠭᠡᠳ ᠬᠠᠷᠢᠶᠠᠳᠤ ᠲᠤᠳᠤᠷᠡᠭᠢ ᠤᠯᠠᠨ ᠤᠯᠤᠰ ᠤᠨ ᠠᠷᠠᠳ ᠲᠥᠰᠢᠮᠡᠳ ᠴᠥᠮ ᠲᠥᠷᠢᠮ ᠢ ᠲᠠᠭᠠᠭᠤᠯᠵᠤ ᠴᠠᠭᠠᠨ ᠲᠠᠪᠠᠯ ᠡᠮᠥᠰᠥᠮᠤᠢ᠃ ᠲᠠᠳᠠᠨ ᠤ ᠥᠵᠡᠯ ᠰᠠᠨᠠᠯ ᠢᠶᠠᠷ ᠪᠤᠯᠪᠠᠰᠤ ᠡᠨᠡ ᠲᠠᠷᠤᠢ ᠵᠢᠷᠭᠠᠯ ᠪᠤᠶᠠᠨ ᠲᠠᠢ ᠪᠥᠭᠦᠢ ᠶᠢᠨ ᠪᠡᠯᠭᠡ ᠲᠠᠮᠳᠡᠭ ᠪᠤᠢ ᠪᠤᠶᠤ᠃ ᠁ ᠡᠨᠡ ᠰᠢᠨ᠎ᠠ ᠶᠢᠨ ᠨᠢᠭᠡᠨ ᠤ ᠡᠩ ᠲᠡᠷᠢᠭᠦᠨ ᠡᠳᠥᠷ ᠶᠡᠭᠡ ᠬᠠᠭᠠᠨ ᠤ ᠵᠠᠰᠠᠭ ᠤᠨ ᠲᠤᠳᠤᠷᠡᠭᠢ ᠤᠯᠠᠨ ᠮᠤᠵᠢ ᠭᠢᠭᠡᠳ ᠬᠠᠷᠢᠶᠠᠳᠤ ᠸᠠᠩᠳᠤ ᠤᠯᠤᠰ ᠤᠨ ᠡᠵᠡᠮᠰᠢᠭᠴᠢᠳ ᠪᠤᠶᠤ ᠡᠰᠡᠭᠦᠯ᠎ᠠ ᠴᠠᠭᠠᠵᠠ ᠶᠢᠨ ᠡᠷᠭᠡ ᠶᠢ ᠪᠠᠷᠢᠵᠤ ᠪᠥᠭᠦᠢ ᠭᠥᠮᠥᠰ ᠴᠥᠮ ᠲᠤᠰ ᠲᠤᠰ ᠢᠶᠠᠷ ᠠᠯᠳᠠ ᠮᠥᠩᠭᠦ ᠭᠢᠭᠡᠳ ᠡᠷᠳᠠᠨᠢ ᠶᠢᠨ ᠴᠢᠯᠠᠭᠤᠨ ᠤ ᠶᠤᠰᠤ ᠪᠡᠯᠡᠭ ᠢ ᠴᠠᠭᠠᠨ ᠪᠥᠰ ᠢᠶᠠᠷ ᠨᠠᠶᠢᠯᠡᠭᠦᠯᠵᠥ ᠡᠷᠭᠦᠮᠥᠢ᠃ ᠁ ᠠᠯᠢᠪᠠ ᠢᠵᠠᠭᠤᠷᠳᠠᠨ ᠲᠥᠷᠥᠯ ᠭᠢᠭᠡᠳ ᠸᠠᠩ ᠭᠥᠩ ‍ᠠᠴᠠ ᠡᠭᠡᠯ ᠠᠷᠠᠳ ᠲᠤᠷ ᠭᠥᠷᠳᠠᠯ᠎ᠠ ᠪᠥᠭᠦᠳᠡᠭᠡᠷ ᠴᠥᠮ ᠬᠠᠷᠢᠯᠴᠠᠨ ᠴᠠᠭᠠᠨ ᠥᠩᠭᠡᠳᠠᠢ ᠪᠡᠯᠡᠭ ᠭᠥᠷᠭᠡᠵᠥ᠂ ᠁ ᠪᠠᠰᠠ ᠶᠡᠭᠡ ᠬᠠᠭᠠᠨ ᠳᠤᠷ ᠮᠠᠰᠢ ᠤᠯᠠᠨ ᠴᠠᠭᠠᠨ ᠮᠤᠷᠢ ᠪᠡᠯᠡᠭᠯᠡᠨ ᠡᠷᠭᠦᠮᠥᠢ︾ ᠭᠡᠵᠠᠢ᠃ ᠡᠨᠡ ᠮᠠᠳᠤᠴᠢᠯᠠᠨ ᠲᠤᠬᠠᠢ ᠶᠢᠨ ᠥᠶ᠎ᠠ ᠳᠤ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠥᠷ ᠤᠨ ᠶᠤᠰᠤᠯᠠᠯ ᠳᠤ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠥᠰᠴᠤ᠂ ᠪᠡᠯᠡᠭ ᠰᠠᠯᠳᠡ ᠳᠤ ᠪᠠᠨ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠡᠳᠡᠭ ᠪᠠᠶᠢᠭᠰᠠᠨ ᠲᠥᠷᠢᠮ ᠶᠤᠰᠤ᠂ ᠥᠵᠡᠯ ᠰᠠᠳᠭᠢᠯᠭᠡ ᠨᠢ ᠤᠯᠠᠮᠵᠢᠯᠠᠭᠳᠠᠬᠤ ᠶᠠᠪᠤᠴᠠ ᠳᠤ ᠪᠠᠨ ᠤᠯᠠᠨ ᠲᠠᠯ᠎ᠠ ᠪᠠᠷ ᠪᠤᠳᠠᠳᠠᠢ ᠨᠥᠯᠥᠭᠡ ᠲᠤᠰᠬᠠᠯ ᠢᠶᠠᠨ ᠥᠵᠡᠭᠦᠯᠵᠥ᠂ ᠥᠷᠭᠡᠵᠢᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠠᠵᠠᠢ᠃ ᠡᠭᠦᠨ ᠳᠤ᠂ ᠪᠡᠯᠡᠭ ᠰᠠᠯᠳᠡ ᠶᠢᠨ ᠡᠷᠭᠢᠮ ᠳᠤ ᠴᠠᠭᠠᠨ ᠬᠠᠳᠠᠭ ᠪᠠᠷᠢᠬᠤ᠂ ᠴᠠᠭᠠᠨ ᠲᠡᠮᠡᠭᠡ ᠪᠡᠯᠡᠭᠯᠡᠭᠦ᠂ ᠶᠢᠰᠤᠨ ᠴᠠᠭᠠᠨ ᠤ ᠪᠡᠯᠡᠭ ᠭᠥᠷᠭᠡᠭᠦ᠂ ᠴᠢᠩᠭᠢᠰ ᠤᠨ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤᠨ ᠤ ᠲᠡᠭᠢᠯᠭ᠎ᠠ᠂ ᠴᠠᠭᠠᠨ ᠰᠥᠯᠳᠠ ᠶᠢᠨ ᠲᠠᠭᠢᠯᠭ᠎ᠠ᠂ ᠴᠠᠭᠠᠨ ᠰᠥᠷᠥᠭ ᠤᠨ ᠬᠤᠷᠢᠮ ᠭᠡᠭᠦ ᠮᠠᠳᠤ ᠪᠠᠷ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠶᠤᠰᠤᠯᠠᠯ᠂ ᠪᠡᠯᠡᠭ ᠰᠠᠯᠳᠠ ᠶᠢᠨ ᠵᠥᠢᠯᠠᠰ᠂ ᠲᠠᠭᠢᠯᠭ᠎ᠠ ᠲᠠᠶᠢᠯᠭ᠎ᠠ ᠶᠢᠨ ᠠᠵᠢᠯᠯᠠᠭ᠎ᠠ ᠵᠡᠷᠭᠡ ᠮᠤᠩᠭᠤᠯ ᠠᠷᠠᠳ ᠤᠨ ᠵᠠᠩ ᠥᠢᠯᠨ ᠶᠢᠨ ᠭᠥᠷᠢᠶᠠᠨ ᠳᠤ ᠥᠷᠭᠡᠨ ᠭᠡᠪᠴᠢᠶ᠎ᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶ᠎ᠠ ᠪᠤᠯᠤᠨ ᠪᠢᠴᠢᠭ ᠤᠨ ᠰᠤᠶᠤᠯ ᠤᠨ ᠮᠠᠲ᠋ᠧᠷᠢᠶᠠᠯ ᠳᠤ ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ᠂ ᠠᠷᠢᠭᠤᠨ ᠴᠠᠭᠠᠨ ᠥᠢᠯᠨ᠂ ᠥᠨᠡᠨ ᠴᠠᠭᠠᠨ ᠭᠡᠷᠡᠭ ᠭᠡᠵᠥ ᠭᠡᠯᠡᠳᠡᠭ ᠨᠢ ᠴᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮ ᠲᠡᠭᠡᠳᠥ ᠶᠢᠨ ᠪᠡᠯᠭᠡ ᠲᠠᠮᠳᠡᠭ ᠢᠶᠠᠷ ᠥᠵᠡᠵᠥ ᠪᠠᠶᠢᠭᠰᠠᠨ ᠤ ᠪᠠᠰᠠ ᠨᠢᠭᠡᠨ ᠪᠤᠳᠠᠳᠤ ᠢᠯᠠᠷᠠᠯ ᠪᠤᠯᠬᠤ ᠶᠤᠮ᠃ ᠮᠤᠩᠭᠤᠯᠴᠤᠳ ᠠᠷᠢᠭᠤᠨ ᠴᠠᠭᠠᠨ ᠰᠠᠳᠭᠢᠯ᠂ ᠥᠨᠠᠨᠴᠢ ᠴᠠᠶᠢᠯᠭᠠᠨ ᠵᠠᠩ᠂ ᠰᠥᠨ ᠴᠠᠭᠠᠨ ᠰᠠᠨᠠᠭ᠎ᠠ᠂ ᠴᠠᠭᠠᠨ ᠥᠢᠯᠨ᠂ ᠴᠠᠭᠠᠨ ᠵᠠᠮ ᠭᠡᠭᠦ ᠮᠠᠳᠤ ᠪᠠᠷ ᠭᠥᠮᠥᠨ ᠶᠠᠭᠤᠮ᠎ᠠ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠮᠥᠨ ᠴᠢᠨᠠᠷ ᠢ ᠴᠠᠭᠠᠨ ᠥᠩᠭᠡ ᠲᠠᠢ ᠬᠤᠯᠪᠤᠨ ᠶᠠᠷᠢᠬᠤ ᠵᠠᠩᠰᠢᠯ ᠡᠷᠳᠠ ᠥᠶ᠎ᠠ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠶᠤᠮ᠃ ᠴᠠᠭᠠᠨ ᠥᠩᠭᠡ ᠶᠢᠨ ᠲᠤᠬᠠᠢ ᠢᠢᠮᠤᠷᠭᠦᠤ ᠥᠵᠡᠯ ᠰᠠᠳᠭᠢᠯᠭᠡ ᠨᠢ ᠤᠯᠠᠮᠵᠢᠯᠠᠯ ᠰᠢᠨᠠᠴᠢᠯᠠᠯ ᠤᠨ ᠤᠷᠳᠤ ᠤᠳᠠᠭᠠᠨ ᠶᠠᠪᠤᠴᠠ ᠳᠤ ᠪᠠᠨ ᠮᠤᠩᠭᠤᠯ ᠠᠷᠠᠳ ᠤᠨ ᠵᠠᠩ ᠥᠢᠯᠨ ᠳᠤ ᠨᠠᠪᠴᠢᠨ ᠰᠢᠩᠭᠡᠵᠥ᠂ ᠪᠤᠳᠠᠳᠤ ᠢᠯᠠᠷᠠᠯ ᠢᠶᠠᠨ ᠤᠯᠤᠭᠰᠠᠨ ᠪᠠᠶᠢᠳᠠᠯ ᠮᠤᠩᠭᠤᠯᠴᠤᠳ ᠤᠨ ᠶᠠᠷᠤᠳᠠ ᠶᠢᠨ ᠵᠠᠩᠰᠢᠯ ᠳᠠᠬᠢ ᠮᠤᠩᠭᠤᠯ ᠥᠰᠥᠭ ᠤᠨ ᠤᠭ ᠲᠥᠷᠰᠥ ᠶᠢ ᠵᠤᠭᠢᠬᠤ ᠲᠠᠷᠠᠭᠠᠯᠠᠯ ᠢᠶᠠᠷ ᠵᠢᠬᠰᠠᠭᠠᠭᠰᠠᠨ ᠢ ︽ᠴᠠᠭᠠᠨ ᠲᠤᠯᠤᠭᠠᠢ︾ ᠭᠡᠵᠥ ᠨᠡᠷᠡᠯᠡᠭᠰᠡᠨ︔ ᠶᠠᠮᠠᠷ ᠨᠢᠭᠡᠨ ᠠᠵᠢᠯ ᠲᠥᠷᠥᠯ ᠳᠤ ᠮᠠᠷᠭᠡᠰᠢᠨ ᠴᠢᠳᠠᠪᠤᠷᠢᠵᠢᠬᠤ ᠶᠢ ︽ᠴᠠᠭᠠᠷᠠᠬᠤ︾ ᠭᠡᠵᠥ ᠭᠡᠯᠡᠭᠦ ᠮᠠᠳᠤ ᠵᠥᠢᠯᠠᠰ ᠤᠳ ᠲᠤ ᠤᠯᠨ ᠮᠥᠷ ᠢᠶᠠᠨ ᠥᠯᠡᠳᠡᠭᠡᠭᠰᠡᠨ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠳᠠᠬᠢ ᠠᠯᠢ ᠤᠯᠠᠨ ᠴᠠᠭᠠᠨ ᠥᠩᠭᠡ ᠶᠢᠨ ᠪᠤᠳᠠᠳᠤ ᠲᠥᠷᠰᠥᠯᠡᠯ ᠤᠳ ‍ᠠᠴᠠ ᠥᠵᠡᠭᠰᠡᠨ ᠴᠤ᠂ ᠶᠠᠷᠤᠩᠭᠡᠢ ᠳᠤ ᠪᠠᠨ ᠴᠠᠭᠠᠨ ᠥᠩᠭᠡ ᠶᠢ ᠪᠤᠰᠤᠳᠴᠢ ᠤᠷᠤᠰᠢᠬᠤᠢ ᠪᠠ ᠪᠠᠶᠠᠴᠢ ᠠᠵᠢᠯᠯᠠᠭᠠᠨ ᠤ ᠬᠠᠮᠤᠭ ᠤᠨ ᠡᠷᠭᠢᠮ ᠲᠡᠭᠡᠳᠥ ᠶᠢᠨ ᠪᠡᠯᠭᠡ ᠲᠠᠮᠳᠡᠭ ᠪᠤᠯᠭᠠᠬᠤ︔ ᠶᠠᠭᠤᠮ᠎ᠠ ᠥᠵᠡᠭᠳᠠᠯ ᠪᠤᠯᠤᠨ ᠭᠡᠷᠡᠭ ᠪᠤᠳᠠᠰ ᠤᠨ ᠥᠨᠡᠨ᠂ ᠰᠠᠶᠢᠨ᠂ ᠰᠠᠶᠢᠬᠠᠨ ᠤ ᠮᠥᠨ ᠴᠢᠨᠠᠷ ᠢ ᠲᠤᠳᠤᠳᠬᠠᠨ ᠢᠯᠡᠷᠡᠭᠦᠯᠭᠦ︔ ᠡᠷᠳᠠᠮ ᠴᠢᠳᠠᠪᠤᠷᠢ᠂ ᠤᠶᠤᠨ ᠤᠬᠠᠭᠠᠨ ᠤ ᠡᠭᠢ ᠰᠤᠷᠪᠤᠯᠵᠢ ᠪᠤᠶᠤ ᠪᠡᠯᠭᠡᠰᠢᠶᠠᠯ ᠪᠤᠯᠭᠠᠬᠤ ᠵᠠᠷᠭᠡ ᠥᠵᠠᠯ ᠰᠠᠳᠭᠢᠯᠭᠡ ᠶᠢᠨ ᠤᠯᠨ ᠮᠥᠷ ᠬᠠᠷᠠᠭᠳᠠᠵᠤ ᠪᠤᠢ᠃ 　 ᠮᠤᠩᠭᠤᠯ ᠠᠷᠠᠳ ᠤᠨ ᠪᠠᠭᠠᠳᠤᠷᠯᠢᠬ ᠲᠤᠤᠯᠢ ᠪᠤᠯᠤᠨ ᠠᠮᠠᠨ ᠵᠤᠭᠢᠶᠠᠯ ᠤᠨ ᠪᠥᠳᠥᠭᠡᠯ᠂ ᠵᠠᠩ ᠥᠢᠯᠨ ᠶᠢᠨ ᠤᠯᠠᠮᠵᠢᠯᠠᠯ ᠳᠤ ᠠᠭᠤᠯᠠ ᠤᠰᠤ᠂ ᠤᠷᠳᠤ ᠬᠠᠷᠰᠢ᠂ ᠪᠠᠭᠠᠳᠤᠷ ᠢᠳᠡᠳᠡᠨ᠂ ᠵᠠᠷ ᠵᠡᠪᠰᠡᠭ᠂ ᠡᠳ᠋ᠯᠡᠯ ᠭᠡᠷᠡᠭᠰᠡᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠠᠷᠭᠡ ᠶᠢᠨ ᠲᠥᠷᠰᠤᠯᠡᠯ ᠳᠤ ᠴᠠᠭᠠᠨ ᠥᠡᠭᠭᠡ ᠢᠳᠡᠪᠭᠢᠳᠠᠢ ᠭᠡᠷᠡᠭᠯᠡᠭᠳᠡᠭᠰᠡᠨ ᠨᠢ ᠲᠥᠭᠡᠮᠡᠯ ᠠᠵᠢᠭᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠶᠤᠮ᠃ ᠴᠠᠭᠠᠨ ᠥᠡᠭᠭᠡ ᠨᠢ ᠶᠠᠷᠥ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠡᠷᠭᠢᠮᠯᠡᠨ ᠲᠡᠭᠡᠳᠥᠯᠡᠳᠡᠭ ᠥᠡᠭᠭᠡ ᠶᠢᠨ ᠨᠢᠭᠡ ᠪᠤᠯᠤᠭᠰᠠᠨ ᠤ ᠪᠠᠨ ᠬᠤᠪᠢ ᠳᠤ᠂ ᠲᠡᠭᠦᠨ ᠢᠶᠠᠷ ᠡᠷᠭᠢᠮ ᠲᠡᠭᠡᠳᠤ᠂ ᠥᠨᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠠ ᠡᠷᠳᠠᠮ ᠴᠢᠳᠠᠪᠤᠷᠢ᠂ ᠤᠶᠤᠨ ᠤᠬᠠᠭᠠᠨ ᠤ ᠭᠤᠤᠯ ᠪᠡᠯᠭᠡᠳᠠᠯ ᠪᠤᠯᠭᠠᠭᠰᠠᠭᠠᠷ ᠢᠷᠠᠵᠠᠢ᠃ 　 ᠢᠡᠭᠭᠢᠵᠥ ᠴᠠᠭᠠᠨ ᠥᠡᠭᠭᠡ ᠪᠠᠷ ᠪᠡᠯᠭᠡᠳᠠᠯ ᠥᠡᠭᠭᠡ ᠪᠤᠯᠭᠠᠭᠰᠠᠨ ᠨᠢ ᠡᠷᠳᠠ ᠥᠶ᠎ᠠ ᠶᠢᠨ ᠮᠤᠩᠭᠤᠯᠴᠤᠳ ᠤᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠠᠴᠠ ᠡᠭᠢ ᠰᠤᠷᠪᠤᠯᠵᠢ ᠲᠠᠢ ᠭᠡᠵᠥ ᠥᠵᠠᠨ᠎ᠠ᠃ ᠮᠤᠩᠭᠤᠯ ᠲᠠᠥᠭᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠳ ᠪᠤᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠠᠴᠠ ᠥᠵᠡᠭᠦ ᠳᠤ᠂ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠱᠤᠩᠬᠤᠷ ᠤᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠲᠠᠢ ᠪᠠᠶᠢᠬᠰᠠᠨ ᠭᠡᠳᠡᠭ ᠨᠢ ᠲᠤᠳᠤᠷᠬᠠᠢ ᠶᠤᠮ᠃ ᠡᠨᠡ ᠲᠤᠬᠠᠢ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ᠂ ᠶᠢᠰᠤᠭᠡᠢ ᠪᠠᠭᠠᠳᠤᠷ᠂ ᠲᠠᠮᠤᠵᠢᠨ ᠢ ᠶᠢᠰᠤᠨ ᠨᠠᠰᠤᠳᠠᠢ ᠳᠤ ᠨᠢ ᠥᠭᠡᠯᠤᠨ ᠡᠭᠡ ᠶᠢᠨ ᠲᠥᠷᠭᠦᠮ ᠤᠯᠬᠤᠨᠤᠳ ᠤᠨ ᠨᠠᠭᠠᠴᠤ ᠨᠠᠷ ᠠᠴᠠ ᠨᠢ ᠪᠠᠷᠢ ᠭᠤᠶᠤᠬᠤ ᠪᠠᠷ ᠲᠠᠭᠠᠭᠤᠯᠤᠨ ᠶᠠᠪᠤᠵᠤ᠂ ᠴᠡᠭᠴᠡᠷ᠂ ᠴᠢᠬᠤᠷᠭᠤ ᠶᠢᠨ ᠵᠠᠭᠤᠷ᠎ᠠ ᠤᠡᠭᠭᠢᠷᠠᠳᠠᠢ ᠳ᠋ᠠᠢ ᠰᠠᠴᠠᠨ ᠲᠠᠢ ᠠᠭᠤᠯᠵᠠᠬᠤ ᠳᠤ᠂ ᠳ᠋ᠠᠢ ᠰᠠᠴᠠᠨ᠄ ︽ᠶᠢᠰᠥᠭᠡᠢ ᠬᠤᠳᠠ᠂ ᠪᠢ ᠡᠨᠡ ᠰᠥᠨᠢ ᠵᠡᠭᠦᠳᠤᠨ ᠵᠡᠭᠦᠳᠥᠯᠡᠪᠠ ᠪᠢ᠃ ᠴᠠᠭᠠᠨ ᠱᠤᠩᠬᠤᠷ ᠨᠠᠷᠠᠨ ᠰᠠᠷᠠᠨ ᠬᠤᠶᠠᠷ ᠢ ᠠᠳᠬᠤᠨ ᠨᠢᠰᠴᠤ ᠢᠷᠠᠵᠤ ᠭᠠᠷ ᠲᠡᠭᠡᠷ᠎ᠠ ᠮᠢᠨᠥ ᠰᠠᠭᠤᠪᠠ᠃ ᠡᠨᠡ ᠵᠡᠭᠦᠳᠤᠨ ᠢᠶᠠᠨ ᠭᠥᠮᠥᠨ᠎ᠡ ᠥᠭᠦᠯᠡᠷᠤᠨ᠄ ︿ᠨᠠᠷᠠᠨ ᠰᠠᠷᠠᠨ ᠢ ᠬᠠᠷᠠᠵᠤ ᠥᠵᠡᠭᠳᠡᠨ ᠪᠥᠯᠥᠭᠡ᠃ ᠡᠳᠥᠭᠡ ᠡᠨᠡ ᠱᠤᠩᠬᠤᠷ ᠠᠳᠬᠤᠵᠤ ᠠᠪᠴᠢᠷᠠᠵᠤ ᠭᠠᠷ ᠲᠤᠷ ᠮᠢᠨᠥ ᠰᠠᠭᠤᠪᠠ᠃ ᠴᠠᠭᠠᠨ ᠪᠠᠭᠤᠪᠠ᠃ ᠶᠠᠮᠪᠠᠷ ᠯᠠ ᠰᠠᠶᠢᠨ ᠥᠵᠡᠭᠦᠯᠥᠮᠤ﹀ ᠭᠡᠮᠡᠵᠤ᠂ ᠶᠢᠰᠤᠭᠡᠢ ᠬᠤᠳᠠ᠂ ᠡᠨᠡ ᠵᠡᠭᠦᠳᠤᠨ ᠮᠢᠨᠥ ᠴᠢᠮᠠᠢᠢ ᠯᠡ ᠭᠥᠤ ᠪᠠᠨ ᠤᠳᠤᠷᠢᠳᠴᠤ ᠢᠷᠡᠭᠦᠶ᠎ᠠ ᠥᠵᠡᠭᠰᠡᠨ ᠠᠵᠤᠭᠤ᠃ ᠵᠡᠭᠦᠳᠤᠨ ᠰᠠᠶᠢᠨ ᠵᠡᠭᠦᠳᠥᠯᠡᠪᠠ᠃ ᠶᠠᠭᠤᠨ ᠵᠠᠭᠦᠳᠤᠨ ᠠᠬᠤ︖ ᠲᠠ ᠭᠢᠶᠤᠳ ᠢᠷᠭᠡᠨ ᠤ ᠰᠥᠯᠳᠠ ᠢᠷᠠᠵᠤ ᠵᠢᠭᠠᠭᠰᠠᠨ ᠠᠵᠤᠭᠤ︾ ᠭᠡᠵᠥ ᠲᠠᠮᠳᠡᠭᠯᠡᠵᠠᠢ᠃ ᠡᠨᠡ ᠨᠢ ᠴᠠᠭᠠᠨ ᠱᠤᠩᠬᠤᠷ ᠰᠢᠪᠠᠭᠤ ᠪᠤᠯ ᠭᠢᠶᠤᠳ ᠢᠷᠭᠡᠨ ᠤ ᠰᠥᠯᠳᠠ ᠪᠤᠶᠤ ᠲᠤᠲ᠋ᠧᠮ ᠰᠢᠳᠥᠯᠭᠡ ᠮᠥᠨ ᠪᠤᠯᠬᠤ ᠶᠢ ᠲᠤᠳᠤᠷᠬᠠᠢᠢᠯᠠᠵᠤ ᠪᠠᠶᠢᠭ᠎ᠠ ᠭᠡᠷᠡᠭ ᠶᠤᠮ᠃ ᠴᠠᠭᠠᠨ ᠱᠤᠩᠬᠤᠷ ᠰᠢᠪᠠᠭᠤᠨ ᠤ ᠰᠢᠳᠥᠯᠭᠡ ᠶᠢᠨ ᠲᠤᠬᠠᠢ ᠡᠷᠳᠠᠮᠳᠠᠳ ᠤᠨ ᠰᠤᠳᠤᠯᠤᠭᠰᠠᠨ ᠪᠠᠶᠢᠳᠠᠯ ᠢ ᠠᠵᠢᠶᠠᠷᠠᠪᠠᠯ᠂ ᠤᠷᠳᠤᠰ ᠤᠨ ᠬᠠᠨᠭ᠍ᠭᠢᠨ ᠬᠤᠰᠢᠭᠤᠨ ᠤ ᠠᠷᠤ ᠴᠠᠶᠢᠳᠠᠮ ᠭᠡᠳᠡᠭ ᠭᠠᠵᠠᠷ ᠠᠴᠠ ᠤᠯᠳᠠᠭᠰᠠᠨ ᠪᠤᠯᠠᠰᠢᠨ ᠤ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠤᠨ ᠲᠤᠳᠤᠷᠡᠭᠢ ᠮᠠᠯᠠᠭᠠᠢ ᠶᠢᠨ ᠴᠢᠮᠡᠭ ᠢ ᠤᠭ᠍ᠶᠤ ᠲᠤᠯᠤᠭᠠᠢ ᠲᠠᠢ ᠠᠯᠳᠠᠨ ᠱᠤᠩᠬᠤᠷ ᠢᠶᠠᠷ ᠭᠢᠭᠰᠡᠨ ᠢ ᠡᠷᠳᠠᠮᠳᠠᠨ ᠰᠠᠶᠢᠰᠢᠶᠠᠯ ᠰᠤᠳᠤᠯᠤᠭᠠᠳ᠂ ︽ᠡᠨᠡ ᠪᠤᠯ ᠾᠥᠡᠭᠨᠤ ᠨᠠᠷ ᠱᠤᠩᠬᠤᠷ ᠢᠶᠠᠷ ᠤᠷᠤᠢ ᠶᠢᠨ ᠴᠢᠮᠡᠭ ᠪᠤᠯᠭᠠᠵᠤ ᠪᠠᠶᠢᠬᠰᠠᠨ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨ᠎ᠠ︾ ᠭᠡᠵᠥ ᠥᠵᠠᠪᠠ᠃ 　 ᠪᠠᠯᠠᠷ ᠴᠠᠭ ᠤᠨ ᠭᠥᠮᠥᠰ᠂ ᠥᠪᠡᠷᠰᠠᠳ ᠤᠨ ᠭᠠᠷᠤᠯ ᠡᠭᠦᠰᠤᠯ ᠢᠶᠠᠨ ᠶᠠᠮᠠᠷ ᠨᠢᠭᠡᠨ ᠠᠮᠢᠳᠠᠨ ᠤᠷᠭᠤᠮᠠᠯ ᠪᠤᠶᠤ ᠠᠮᠢ ᠥᠭᠡᠢ ᠪᠤᠳᠠᠰ᠂ ᠵᠢᠴᠢ ᠪᠠᠶᠢᠭᠠᠯᠢ ᠶᠢᠨ ᠥᠵᠡᠭᠳᠠᠯ ᠲᠠᠢ ᠬᠤᠯᠪᠤᠨ ᠰᠠᠳᠭᠢᠵᠥ᠂ ᠲᠡᠳᠡᠭᠡᠷ ᠢ ᠰᠢᠳᠤᠨ ᠪᠢᠰᠢᠷᠡᠭᠦ᠂ ᠲᠡᠭᠡᠳᠤᠯᠡᠨ ᠭᠥᠨᠳᠤᠳᠭᠡᠭᠦ ᠥᠵᠠᠯ ᠥᠢᠯᠠᠭᠠᠯᠳᠠ ᠠᠴᠠ ᠥᠨᠳᠤᠰᠤ ᠰᠤᠷᠪᠤᠯᠵᠢ ᠲᠠᠢ ᠪᠠᠷ ᠡᠭᠦᠰᠤᠨ ᠪᠥᠷᠢᠯᠳᠥᠭᠰᠡᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠨᠢ ᠡᠷᠳᠠᠨ ᠤ ᠮᠤᠩᠭᠤᠯ ᠤᠨ ᠠᠵᠤ ᠠᠬᠤᠢ᠂ ᠠᠮᠢᠳᠤᠷᠠᠯ ᠥᠢᠯᠠᠳᠪᠤᠷᠢᠯᠠᠯ ᠲᠠᠢ ᠤᠶᠠᠯᠳᠤᠨ ᠡᠭᠦᠰᠤᠨ ᠪᠤᠢ ᠪᠤᠯᠬᠤ ᠳᠤ ᠪᠠᠨ ᠪᠤᠰᠤᠳ ᠤᠪᠤᠭ ᠤᠭᠰᠠᠭᠠᠳᠠᠨ ᠤ ᠲᠤᠲ᠋ᠧᠮ ᠤᠨ ᠰᠢᠳᠥᠯᠭᠡ ᠶᠢᠨ ᠨᠠᠶᠢᠳᠡᠯᠢᠭ ᠲᠠᠯ᠎ᠠ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠤ ᠬᠠᠮᠳᠤ᠂ ᠥᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ ᠪᠠᠷ ᠢᠯᠡᠷᠡᠭᠰᠡᠨ ᠶᠤᠮ᠃ ᠲᠤᠬᠠᠢᠢᠯᠠᠪᠠᠯ᠂ ᠲᠠᠯᠡᠭᠡᠢ ᠶᠢᠨ ᠠᠳᠠᠯᠢ ᠪᠤᠰᠤ ᠤᠭᠰᠠᠭ᠎ᠠ ᠥᠨᠳᠤᠰᠤᠳᠠᠨ ᠴᠢᠨ᠋ᠸ᠎ᠠ᠂ ᠪᠠᠷᠰ᠂ ᠪᠠᠭᠠᠪᠠᠭᠠᠢ᠂ ᠪᠤᠭᠤ᠂ ᠰᠢᠪᠠᠭᠤ ᠵᠠᠷᠭᠡ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠢᠶᠠᠷ ᠥᠪᠡᠷᠰᠠᠳ ᠤᠨ ᠢᠶᠠᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠪᠤᠯᠭᠠᠵᠤ ᠪᠠᠶᠢᠬᠰᠠᠨ ᠤ ᠲᠤᠳᠤᠷ᠎ᠠ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠨᠢ ᠪᠥᠷᠳᠠ ᠴᠢᠨ᠋ᠸ᠎ᠠ᠂ ᠬᠤᠸᠠ ᠮᠠᠷᠠᠯ᠂ ᠬᠤᠨ ᠰᠢᠪᠠᠭᠤ᠂ ᠴᠠᠭᠠᠨ ᠱᠤᠩᠬᠤᠷ ᠵᠠᠷᠭᠡ ᠪᠤᠯᠬᠤ ᠶᠢ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠲᠡᠷᠢᠭᠦᠳᠠᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠳ ᠲᠤ ᠲᠠᠮᠳᠡᠭᠯᠡᠵᠤ ᠪᠤᠢ᠃ ᠡᠭᠦᠨ ᠳᠤ᠂ ᠮᠤᠩᠭᠤᠯᠴᠤᠳ ᠤᠨ ᠲᠤᠲ᠋ᠧᠮ ᠰᠢᠳᠥᠯᠭᠡ ᠪᠤᠯᠤᠭᠰᠠᠨ ᠠᠷᠢᠶᠠᠳᠠᠨ ᠵᠢᠭᠦᠷᠳᠠᠨ ᠨᠢ ᠪᠥᠷ ᠴᠠᠶᠢᠪᠤᠷ᠂ ᠴᠠᠭᠠᠨ ᠥᠡᠭᠭᠡ ᠲᠠᠢ ᠬᠤᠯᠪᠤᠭᠳᠠᠨ ᠥᠭᠦᠯᠡᠭᠳᠠᠵᠥ ᠪᠠᠶᠢᠭ᠎ᠠ ᠪᠠᠷ ᠤᠨᠴᠠᠯᠠᠭᠳᠠᠨ᠎ᠠ᠃ ᠡᠷᠳᠠᠮᠳᠠᠨ ᠹ᠊ · ᠺᠯᠢᠸᠢᠼ᠂ ᠴᠠᠭᠠᠨ ᠱᠤᠩᠬᠤᠷ ᠭᠡᠳᠡᠭ ᠥᠭᠡ ᠶᠢᠨ ᠤᠳᠬ᠎ᠠ ᠶᠢ ᠲᠠᠶᠢᠯᠪᠤᠷᠢᠯᠠᠬᠤ ᠳᠤ ᠪᠠᠨ ᠮᠤᠩᠭᠤᠯᠴᠤᠳ ᠤᠨ ᠴᠠᠭᠠᠨ ᠥᠡᠭᠭᠡ ᠶᠢ ᠡᠷᠭᠢᠮᠯᠡᠭᠦ ᠵᠠᠩᠰᠢᠯ ᠲᠠᠢ ᠬᠤᠯᠪᠤᠵᠤ᠂ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠭᠠᠷᠴᠤ ᠪᠤᠢ ︽ᠴᠠᠭᠠᠨ ᠴᠢᠯᠠᠭᠤ︾᠂ ︽ᠴᠠᠭᠠᠨ ᠢᠰᠡᠭᠡᠢ︾᠂ ︽ᠴᠠᠭᠠᠨ ᠲᠠᠪᠠᠯ︾᠂ ︽ᠴᠠᠭᠠᠨ ᠲᠤᠭ︾ ᠵᠠᠷᠭᠡ ᠲᠠᠢ ᠬᠠᠷᠢᠴᠠᠭᠤᠯᠤᠨ ᠥᠭᠦᠯᠡᠭᠰᠡᠨ ᠶᠤᠮ᠃ 　 ᠢᠡᠭᠭᠢᠭᠦᠯᠡᠷ᠂ ᠮᠤᠩᠭᠤᠯᠴᠤᠳ ᠤᠨ ᠴᠠᠭᠠᠨ ᠥᠡᠭᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠡᠷᠳᠠ ᠥᠶ᠎ᠠ ᠶᠢᠨ ᠮᠤᠩᠭᠤᠯ ᠤᠪᠤᠭ ᠤᠭᠰᠠᠭᠠᠨ ᠤ ᠴᠠᠭᠠᠨ ᠱᠤᠩᠬᠤᠷ᠂ ᠪᠥᠷᠳᠠ ᠴᠢᠨ᠋ᠸ᠎ᠠ᠂ ᠬᠤᠸᠠ ᠮᠠᠷᠠᠯ᠂ ᠬᠤᠨ ᠰᠢᠪᠠᠭᠤ ᠵᠠᠷᠭᠡ ᠲᠤᠲ᠋ᠧᠮ ᠰᠢᠳᠥᠯᠭᠡ ᠲᠠᠢ ᠬᠤᠯᠪᠤᠭᠳᠠᠵᠤ ᠲᠠᠷᠠ ᠭᠦ ᠲᠤᠲ᠋ᠧᠮ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ᠠᠴᠠ ᠥᠨᠳᠤᠰᠤ ᠰᠤᠷᠪᠤᠯᠵᠢ ᠲᠠᠢ ᠭᠡᠵᠥ ᠥᠵᠠᠵᠤ ᠪᠠᠶᠢᠨ᠎ᠠ᠃
 
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠲᠠᠯᠣ ᠶᠢᠨ ᠶᠠᠰᠣᠠ ᠤ ᠢᠷᠣᠬᠡᠯ︾
ᠮᠦᠩᠭᠦᠠ ᠮᠣᠳᠣ
ᠱᠠᠭ᠎ᠠ ᠪᠠᠷ ᠷᠢᠳᠢ ᠰᠢᠳᠢ ᠶᠢ ᠪᠡᠯᠭᠡᠳᠡᠭᠦ
ᠶᠣᠸᠠᠠ ᠢᠩᠽᠦ᠋ᠩ ᠬᠠᠭᠠᠠ
︽ᠠᠳᠠᠭ᠎ᠠ ᠲᠡᠭᠷᠢ ᠶᠢᠨ ᠲᠠᠬᠢᠯᠭ᠎ᠠ︾
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号