ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/1/2
      ᠮᠤᠩᠭᠤᠯᠴᠤᠳ ᠤᠯᠠᠭᠠᠨ ᠥᠩᠭᠡ ᠶᠢ ᠬᠠᠯᠠᠭᠤᠨ ᠲᠤᠳᠤᠨᠤ ᠥᠩᠭᠡ ᠭᠡᠵᠥ ᠲᠠᠭᠡᠳᠥᠯᠠᠨ ᠥᠵᠠᠵᠤ᠂ ᠴᠢᠬᠤᠯᠨ ᠨᠢᠭᠡᠨ ᠪᠡᠯᠭᠡᠳᠠᠯ ᠥᠩᠭᠡ ᠪᠤᠯᠭᠠᠵᠤ ᠢᠷᠡᠭᠰᠡᠨ ᠪᠥᠭᠡᠳ ᠮᠤᠩᠭᠤᠯ ᠠᠷᠠᠳ ᠤᠨ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠶᠢ ᠪᠠᠭᠳᠠᠭᠠᠭᠰᠠᠨ ᠠᠮᠠᠨ ᠵᠤᠭᠢᠶᠠᠯ ᠤᠨ ᠪᠥᠭᠦ᠋ᠢᠯᠨ ᠪᠥᠳᠥᠭᠡᠯ ᠪᠤᠯᠤᠨ ᠠᠷᠠᠳ ᠤᠨ ᠵᠠᠩ ᠥᠢᠯᠨ ᠶᠢᠨ ᠴᠡᠷᠠᠭ᠎ᠠ ᠭᠥᠷᠢᠶ᠎ᠠ ᠳᠤ ᠥᠨᠢ ᠡᠷᠳᠠᠨ ᠤ ᠤᠯᠠᠮᠵᠢᠯᠠᠯ ᠲᠠᠢ᠂ ᠥᠷᠭᠡᠨ ᠭᠡᠪᠴᠢᠶᠠᠨ ᠳᠤ ᠭᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ 　 ᠮᠤᠩᠭᠤᠯᠴᠤᠳ ᠤᠯᠠᠭᠠᠨ ᠥᠩᠭᠡ ᠪᠠᠷ ᠠᠮᠢᠯᠠᠯ ᠡᠰᠡᠨᠢᠯ᠂ ᠭᠥᠭᠵᠢᠯ ᠮᠠᠨᠳᠤᠯ ᠢ ᠪᠡᠯᠭᠡᠳᠡᠳᠡᠭ᠃ ᠮᠤᠩᠭᠤᠯ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠪᠤᠯᠤᠨ ᠠᠮᠠᠨ ᠥᠯᠢᠭᠡᠷ ᠲᠤ ᠲᠥᠷᠰᠥᠯᠡᠭᠳᠡᠭᠦ ᠪᠠᠭᠠᠳᠤᠷ ᠢᠳᠠᠳᠠᠨ ᠨᠢ ᠶᠠᠷᠤ ᠪᠤᠰᠤ ᠪᠠᠷ ᠮᠠᠨᠳᠤᠯᠠᠵᠤ᠂ ᠷᠢᠳᠢ ᠰᠢᠳᠢ ᠲᠠᠢ ᠥᠰᠴᠤ ᠪᠤᠶᠢᠵᠢᠳᠠᠭ᠃ ᠲᠡᠭᠡᠭᠦ ᠳᠤ᠂ ᠲᠠᠳᠠᠭᠡᠷ ᠢᠳᠠᠳᠠᠨ ᠪᠠᠭᠠᠳᠤᠷ ᠢ ᠭᠤᠨᠠᠭᠠᠠ ᠤᠯᠠᠭᠠᠨ ᠪᠠᠭᠠᠳᠤᠷ᠂ ᠬᠤᠰᠢᠭᠤᠨ ᠤᠯᠠᠭᠠᠨ ᠪᠠᠭᠠᠳᠤᠷ᠂ ᠨᠠᠷᠠᠨ ᠤᠯᠠᠭᠠᠨ ᠭᠥᠪᠡᠭᠦᠨ ᠭᠡᠭᠦ ᠮᠠᠳᠤ ᠪᠠᠷ ᠨᠡᠷᠡᠯᠡᠭᠦ ᠨᠢ ᠨᠠᠯᠢᠶᠠᠳ ᠲᠥᠭᠡᠮᠡᠯ ᠬᠠᠷᠠᠭᠳᠠᠳᠠᠭ ᠪᠥᠭᠡᠳ ᠡᠩ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠤᠳᠤ ᠴᠤ ᠭᠡᠰᠡᠨ ᠮᠤᠩᠭᠤᠯᠴᠤᠳ ᠥᠷ᠎ᠠ ᠭᠡᠥᠭᠡᠳ ᠢᠶᠠᠨ ᠤᠯᠠᠭᠠᠨ ᠨᠢᠯᠬ᠎ᠠ᠂ ᠤᠯᠠᠭᠠᠨ ᠭᠤᠤᠯ᠂ ᠤᠯᠠᠭᠠᠨ ᠠᠮᠢ᠂ ᠤᠯᠠᠭᠠᠨ ᠵᠢᠷᠤᠭᠡ ᠭᠡᠭᠦ ᠮᠠᠳᠤ ᠪᠠᠷ ᠡᠩᠭᠦᠷᠠᠶᠢᠯᠠᠨ ᠭᠡᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠡᠳᠡᠭᠡᠷ ᠨᠢ ᠪᠠᠭᠠᠳᠤᠷ ᠢᠳᠡᠳᠡᠨ ᠪᠠ ᠥᠷ᠎ᠠ ᠭᠡᠥᠭᠡᠳ ᠤᠨ ᠢᠶᠠᠨ ᠠᠮᠢᠯᠠᠯ ᠡᠰᠡᠨᠢᠯ ᠢ ᠪᠡᠯᠭᠡᠳᠡᠭᠰᠡᠨ ᠤ ᠢᠯᠠᠷᠠᠯ ᠪᠤᠯᠵᠤ ᠪᠠᠶᠢᠭ᠎ᠠ ᠶᠤᠮ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠵᠠᠩ ᠥᠢᠯᠨ ᠳᠤ᠂ ᠭᠡᠥᠭᠡᠳ ᠲᠠᠢ ᠪᠤᠯᠤᠭᠰᠠᠨ ᠠᠶᠢᠯ᠂ ᠭᠡᠷ ᠤᠨ ᠡᠭᠦᠳᠠᠨ ᠳᠤ ᠪᠠᠨ ᠤᠯᠠᠭᠠᠨ ᠥᠭᠡᠳᠡᠰᠥ ᠤᠶᠠᠭᠰᠠᠨ ᠰᠤᠮᠤ ᠡᠯᠭᠦᠭᠦ ᠪᠤᠶᠤ ᠤᠯᠠᠭᠠᠨ ᠥᠭᠡᠳᠠᠰᠤ ᠪᠠᠷ ᠲᠤᠭᠢᠶ᠎ᠠ ᠪᠤᠯᠭᠠᠳᠠᠭ᠃ ᠡᠨᠡ ᠨᠢ ᠮᠥᠨ ᠴᠤ ᠠᠮᠢᠯᠠᠯ ᠡᠰᠠᠨᠢᠯ ᠢ ᠪᠡᠯᠭᠡᠳᠠᠵᠤ᠂ ᠲᠤᠭᠢᠶᠠᠯᠠᠨ ᠮᠡᠳᠡᠭᠡᠯᠡᠭᠰᠡᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠮᠤᠩᠭᠤᠯ ᠬᠤᠷᠢᠮ ᠤᠨ ᠶᠤᠰᠤᠯᠠᠯ᠂ ᠭᠡᠥᠭᠡᠳ ᠤᠨ ᠤᠢ ᠶᠢᠨ ᠪᠡᠯᠡᠭ ᠲᠤ ᠤᠯᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠡᠭᠦ︔ ᠰᠡᠭᠦᠯ ᠤᠨ ᠥᠶ᠎ᠠ ᠳᠤ ᠰᠢᠨ᠎ᠠ ᠶᠢᠨ ᠵᠤᠯᠭᠠᠯᠳᠠ᠂ ᠪᠠᠶᠠᠷ ᠨᠠᠶᠢᠷ ᠤᠨ ᠪᠡᠯᠡᠭ ᠤᠨ ᠪᠤᠤᠪᠤ ᠶᠢᠨ ᠪᠤᠭᠤᠯᠳᠠ ᠲᠡᠭᠡᠷ᠎ᠠ ᠤᠯᠠᠭᠠᠨ ᠴᠠᠭᠠᠰᠤ ᠲᠠᠯᠪᠢᠬᠤ︔ ᠡᠭᠦᠳᠠ ᠬᠠᠭᠠᠯᠭ᠎ᠠ᠂ ᠠᠪᠳᠠᠷ᠎ᠠ ᠬᠤᠷᠭᠤ ᠶᠢ ᠤᠯᠠᠭᠠᠨ ᠰᠢᠷ ᠢᠶᠠᠷ ᠰᠢᠷᠳᠡᠭᠦ ᠵᠡᠷᠭᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠭᠠᠨ ᠥᠩᠭᠡ ᠪᠠᠷ ᠪᠡᠯᠭᠡᠳᠠᠭᠦ ᠤᠯᠠᠮᠵᠢᠯᠠᠯ ᠤᠨ ᠮᠥᠷ ᠢ ᠬᠠᠳᠠᠭᠠᠯᠠᠭᠰᠠᠨ ᠤ ᠬᠠᠮᠳᠤ᠂ ᠥᠨᠳᠤᠰᠤᠳᠠᠨ ᠨᠦᠭᠦᠳ ᠤᠨ ᠰᠤᠶᠤᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠶᠠᠪᠤᠴᠠ ᠳᠤ ᠵᠠᠩ ᠥᠢᠯᠨ ᠶᠢᠨ ᠬᠠᠷᠢᠯᠴᠠᠨ ᠨᠥᠯᠥᠭᠡᠯᠡᠯᠴᠡᠭᠰᠡᠨ ᠤ ᠥᠷ᠎ᠠ ᠳ᠋ᠥᠩ ᠢᠶᠠᠷ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠤᠨ ᠪᠤᠳᠠᠳᠤ ᠲᠥᠷᠰᠥᠯᠡᠯ ᠪᠤᠯᠤᠨ ᠭᠡᠷᠡᠭᠯᠡᠭᠳᠡᠭᠦ ᠭᠥᠷᠢᠶ᠎ᠠ ᠭᠡᠪᠴᠢᠶ᠎ᠠ ᠵᠤᠭᠢᠬᠤ ᠬᠤᠪᠢᠷᠠᠯᠳᠠ ᠲᠠᠢ ᠪᠤᠯᠤᠭᠰᠠᠨ ᠤ ᠲᠤᠰᠬᠠᠯ ᠶᠤᠮ᠃ ᠭᠡᠭᠦ ᠳᠤ ᠪᠠᠨ ᠲᠡᠳᠡᠭᠡᠷ ᠤᠨ ᠪᠡᠯᠭᠡᠳᠠᠯ ᠤᠨ ᠤᠳᠬ᠎ᠠ ᠨᠢ ᠮᠥᠨ ᠭᠦ ᠭᠥᠭᠵᠢᠯ ᠮᠠᠨᠳᠤᠯ ᠢ ᠵᠥᠩᠨᠡᠭᠰᠡᠨ ᠰᠠᠨᠠᠭ᠎ᠠ ᠶᠢ ᠨᠢᠭᠡᠨ ᠠᠳᠠᠯᠢ ᠢᠯᠠᠷᠭᠡᠶᠢᠯᠠᠵᠤ ᠪᠠᠶᠢᠭ᠎ᠠ ᠪᠢᠯᠨ᠃ ᠡᠭᠦᠨ ‍ᠠᠴᠠ ᠭᠠᠳᠠᠨ᠎ᠠ᠂ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠭᠠᠨ ᠥᠩᠭᠡ ᠪᠠᠷ ᠭᠥᠭᠵᠢᠯ ᠮᠠᠨᠳᠤᠯ ᠢ ᠪᠡᠯᠭᠡᠳᠠᠨ ᠵᠥᠩᠨᠡᠭᠦ ᠰᠠᠳᠭᠢᠯᠭᠡ ᠨᠢ ᠡᠳᠥᠷ ᠰᠠᠷ᠎ᠠ ᠶᠢᠨ ᠨᠠᠷᠠᠶᠢᠳᠤᠯ ᠪᠤᠯᠤᠨ ᠪᠡᠯᠭᠡᠰᠢᠶᠠᠯ ᠳᠤ ᠴᠤ ᠪᠤᠳᠠᠳᠤ ᠲᠤᠰᠬᠠᠯ ᠢᠶᠠᠨ ᠤᠯᠵᠠᠢ᠃ ᠲᠤᠬᠠᠢᠢᠯᠠᠪᠠᠯ᠂ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠲᠠᠮᠳᠡᠭᠯᠡᠭᠰᠡᠨ ᠢᠶᠠᠷ ᠴᠢᠩᠭᠢᠰ ᠬᠠᠭᠠᠨ ᠨᠡᠭᠦᠳᠠᠯ ᠪᠠᠭᠤᠳᠠᠯ᠂ ᠠᠶᠠᠨ ᠲᠠᠶᠢᠨ ᠭᠢᠭᠦ ᠳᠤ ᠪᠠᠨ ᠤᠯᠠᠭᠠᠨ ᠲᠡᠷᠭᠡᠯ ᠡᠳᠥᠷ ᠢ ᠰᠤᠩᠭᠤᠨ ᠶᠡᠭᠡ ᠥᠢᠯᠡᠰ ᠤᠨ ᠢᠶᠠᠨ ᠡᠭᠢᠯᠡᠯ ᠡᠭᠦᠰᠭᠡᠯ ᠪᠤᠯᠭᠠᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠲᠤᠬᠠᠢ ︽ᠵᠤᠨ ᠤ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ᠎ᠠ ᠤᠯᠠᠭᠠᠨ ᠲᠠᠷᠭᠡᠯ ᠡᠳᠥᠷ ᠨᠡᠭᠦᠪᠠᠢ ︾᠂ ︽ᠬᠤᠯᠤᠭᠠᠨ᠎ᠠ ᠵᠢᠯ ᠤᠨ ᠵᠤᠨ ᠤ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠡᠳᠤᠷ ᠤᠯᠠᠭᠠᠨ ᠲᠡᠷᠭᠡᠯ ᠡᠳᠥᠷ ᠲᠤᠭ ᠰᠠᠴᠤᠭᠠᠳ ᠮᠤᠷᠢᠯᠠᠷᠤᠨ ᠁︾ ᠭᠡᠵᠤ ᠪᠤᠢ᠃ ᠡᠳᠡᠭᠡᠷ ᠨᠢ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠥᠶ᠎ᠠ ᠳᠤ ᠮᠤᠩᠭᠤᠯᠴᠤᠳ᠂ ᠤᠯᠠᠭᠠᠨ ᠥᠩᠭᠡ ᠶᠢ ᠪᠡᠯᠭᠡᠳᠠᠯ ᠤᠨ ᠭᠤᠤᠯ ᠥᠩᠭᠡ ᠶᠢᠨ ᠢᠶᠠᠨ ᠨᠢᠭᠡ ᠪᠤᠯᠭᠠᠵᠤ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠪᠥᠭᠡᠳ ᠤᠯᠠᠭᠠᠨ ᠲᠡᠷᠭᠡᠯ ᠡᠳᠥᠷ ᠢ ᠰᠤᠩᠭᠤᠨ ᠠᠶᠠᠨ ᠲᠠᠶᠢᠨ᠂ ᠠᠩ ᠭᠥᠷᠥᠭᠡ᠂ ᠨᠡᠭᠦᠳᠠᠯ ᠪᠠᠭᠤᠳᠠᠯ ᠵᠠᠷᠭᠡ ᠶᠢ ᠡᠭᠦᠰᠭᠡᠨ ᠡᠭᠢᠯᠡᠭᠦᠯᠵᠥ ᠪᠠᠶᠢᠭᠰᠠᠨ ᠨᠢ ᠮᠥᠨ ᠴᠤ ᠠᠵᠢᠯ ᠥᠢᠯᠠᠰ ᠤᠨ ᠢᠶᠠᠨ ᠥᠭᠡᠳᠠᠯᠠᠨ ᠮᠠᠨᠳᠤᠵᠤ᠂ ᠭᠥᠭᠵᠢᠨ ᠲᠡᠭᠵᠢᠷᠡᠭᠦ ᠶᠢ ᠪᠡᠯᠭᠡᠳᠡᠭᠰᠡᠨ ᠰᠠᠨᠠᠭ᠎ᠠ ᠪᠤᠯᠬᠤ ᠶᠤᠮ᠃ 　 ᠮᠤᠩᠭᠤᠯᠴᠤᠳ᠂ ᠤᠯᠠᠭᠠᠨ ᠥᠩᠭᠡ ᠪᠠᠷ ᠥᠨᠠᠨᠴᠢ ᠰᠡᠳᠭᠢᠯ᠂ ᠡᠯᠢᠭᠡᠨ ᠬᠠᠶᠢᠷ᠎ᠠ ᠶᠢ ᠪᠡᠯᠭᠡᠳᠡᠳᠡᠭ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ᠂ ᠠᠮᠠᠨ ᠥᠯᠢᠭᠡᠷ ᠲᠤ ᠰᠠᠶᠢᠨ ᠥᠢᠯᠨ ᠶᠢᠨ ᠲᠥᠯᠥᠭᠡ ᠭᠠᠭᠴᠠ ᠰᠡᠳᠭᠢᠯ ᠢᠶᠠᠷ ᠢᠶᠠᠨ ᠵᠢᠳᠭᠦᠭᠴᠢ ᠪᠠᠭᠠᠳᠤᠷ ᠢ ᠤᠯᠠᠭᠠᠨ ᠥᠩᠭᠡ ᠪᠠᠷ ᠲᠥᠷᠰᠥᠯᠡᠭᠦ ᠪᠥᠭᠡᠳ ᠥᠨᠡᠨᠴᠢ ᠠᠷᠢᠭᠤᠨ ᠰᠡᠳᠭᠢᠯ ᠢ ᠤᠯᠠᠭᠠᠨ ᠵᠢᠷᠥᠭᠡ ᠭᠡᠵᠤ ᠭᠡᠯᠡᠳᠡᠭ ᠶᠠᠪᠤᠳᠠᠯ ᠵᠥᠩᠳᠡᠭᠡᠨ ᠲᠤᠭᠢᠶᠠᠯᠳᠤᠨ᠎ᠠ᠃ ᠲᠤᠬᠠᠢᠢᠯᠠᠪᠠᠯ᠂ ︽ᠵᠢᠩᠭᠠᠷ ᠤᠨ ᠲᠤᠤᠯᠢ︾ ᠳᠤ᠂ ᠪᠤᠮᠪᠠ ᠶᠢᠨ ᠤᠷᠤᠨ ᠤ ᠪᠠᠭᠠᠳᠤᠷ ᠢᠳᠡᠳᠡᠨ ᠢᠶᠠᠨ ᠬᠤᠰᠢᠭᠤᠨ ᠤᠯᠠᠭᠠᠨ ᠪᠠᠭᠠᠳᠤᠷ᠂ ᠭᠤᠨᠠᠭᠠᠨ ᠤᠯᠠᠭᠠᠨ ᠱᠤᠪᠰᠢᠭᠤᠷ᠂ ᠨᠠᠷᠠᠨ ᠤᠯᠠᠭᠠᠨ ᠭᠥᠪᠡᠭᠦᠨ ᠭᠡᠵᠥ ᠨᠡᠷᠡᠯᠡᠭᠰᠡᠨ ᠪᠡ ᠬᠠᠳᠤᠳ ᠪᠤᠯᠤᠨ ᠡᠮᠡᠭᠳᠠᠶᠢᠴᠤᠳ ᠢ ᠠᠩᠭᠢᠷ ᠤᠯᠠᠭᠠᠨ ᠬᠠᠳᠤᠨ᠂ ᠡᠶᠠᠯᠳᠡᠭ ᠤᠯᠠᠭᠠᠨ ᠬᠠᠳᠤᠨ᠂ ᠴᠢᠰᠥᠨ ᠤᠯᠠᠭᠠᠨ ᠪᠠᠷᠢᠶᠠᠳ ᠭᠡᠵᠥ᠂ ᠲᠡᠳᠠᠨ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠲᠥᠷᠰᠥᠯᠠᠯ ᠳᠤ ︽ᠪᠤᠮᠪᠠ ᠶᠢᠨ ᠤᠯᠠᠭᠠᠨ ᠵᠢᠷᠤᠭᠡ︾᠂ ︽ᠴᠢᠰᠤᠨ ᠤᠯᠠᠭᠠᠨ ᠤᠷᠤᠭᠤᠯ︾ ᠭᠡᠭᠦ᠂ ᠵᠢᠴᠢ ᠪᠠᠭᠠᠳᠤᠷᠴᠤᠳ ᠤᠨ ᠭᠥᠯᠥᠭ ᠮᠤᠷᠢᠳ᠂ ᠪᠤᠮᠪᠠ ᠶᠢᠨ ᠤᠷᠤᠨ ᠤ ᠮᠠᠯ ᠰᠥᠷᠥᠭ᠂ ᠪᠠᠶᠢᠭᠠᠯᠢ ᠤᠷᠴᠢᠨ ᠤ ᠥᠩᠭᠡ ᠥᠵᠡᠮᠵᠢ ᠶᠢ ᠤᠯᠠᠭᠠᠨ ᠢᠶᠠᠷ ᠲᠥᠷᠰᠥᠯᠡᠭᠰᠡᠨ ᠵᠡᠷᠭᠡ ᠨᠢ ᠮᠤᠩᠭᠤᠯ ᠠᠷᠠᠳ ᠲᠥᠮᠡᠨ ᠤ ᠲᠤᠤᠯᠢ ᠶᠢᠨ ᠪᠠᠭᠠᠳᠤᠷ ᠪᠤᠯᠤᠨ ᠥᠯᠥᠭᠡᠢ ᠨᠤᠳᠤᠭ ᠲᠤ ᠪᠠᠨ ᠬᠠᠨᠳᠤᠭᠰᠠᠨ ᠬᠠᠶᠢᠷ᠎ᠠ ᠰᠡᠳᠭᠢᠯᠭᠡ ᠶᠢᠨ ᠭᠢᠨᠢ ᠪᠤᠳᠠᠳᠤ ᠢᠯᠠᠷᠠᠯ ᠪᠤᠯᠤᠨ᠎ᠠ᠃ ᠢᠢᠮᠤᠷᠭᠦᠤ ᠥᠵᠠᠯ ᠥᠢᠯᠠᠭᠠᠯᠳᠠ᠂ ᠬᠠᠶᠢᠷ᠎ᠠ ᠰᠠᠳᠭᠢᠯᠭᠡ ᠮᠤᠩᠭᠤᠯ ᠵᠠᠩ ᠥᠢᠯᠨ ᠳᠤ ᠤᠯᠠᠮᠵᠢᠯᠠᠭᠳᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠨᠢ ᠮᠤᠩᠭᠤᠯ ᠭᠥᠮᠥᠨ ᠤ ᠨᠠᠷ᠎ᠠ ᠪᠤᠯᠤᠨ ᠴᠠᠭᠠᠰᠢᠯᠠᠪᠠᠯ ᠭᠠᠵᠠᠷ ᠤᠰᠤᠨ ᠤ ᠨᠠᠷᠠᠶᠢᠳᠥᠯ ᠳᠤ ᠴᠤ ᠪᠤᠳᠠᠳᠤ ᠲᠤᠰᠬᠠᠯ ᠢᠶᠠᠨ ᠤᠯᠵᠤ᠂ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠥᠨᠠᠨᠴᠢ ᠰᠠᠳᠭᠢᠯ᠂ ᠡᠯᠢᠭᠡᠨ ᠬᠠᠶᠢᠷ᠎ᠠ ᠶᠢᠨ ᠢᠯᠡᠷᠡᠭᠦᠯᠥᠯ ᠪᠤᠯᠵᠤ ᠲᠤᠭᠳᠠᠪᠤᠷᠢᠵᠢᠭᠰᠠᠨ ᠪᠥᠭᠡᠳ ᠲᠡᠥᠭᠡ ᠶᠢᠨ ᠠᠳᠠᠯᠢ ᠪᠤᠰᠤ ᠱᠠᠳᠤᠨ ᠳᠤ ᠰᠢᠨ᠎ᠠ ᠠᠭᠤᠯᠭ᠎ᠠ ᠪᠠᠷ ᠪᠠᠶᠠᠯᠢᠭᠵᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ 　 ᠮᠤᠩᠭᠤᠯᠴᠤᠳ ᠤᠯᠠᠭᠠᠨ ᠥᠩᠭᠡ ᠪᠠᠷ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢ ᠪᠡᠯᠭᠡᠳᠡᠳᠡᠭ᠃ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢ ᠤᠯᠠᠭᠠᠨ ᠥᠩᠭᠡ ᠪᠠᠷ ᠪᠡᠯᠭᠡᠳᠠᠨ ᠲᠥᠷᠰᠥᠯᠡᠭᠦ ᠪᠠᠶᠢᠳᠠᠯ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠪᠠ ᠪᠢᠴᠢᠭ ᠤᠨ ᠵᠤᠭᠢᠶᠠᠯ᠂ ᠵᠠᠩ ᠥᠢᠯᠨ ᠶᠢᠨ ᠤᠯᠠᠮᠵᠢᠯᠠᠯ ᠵᠡᠷᠭᠡ ᠳᠤ ᠮᠥᠨ ᠨᠢᠭᠡᠨ ᠠᠳᠠᠯᠢ ᠲᠥᠭᠡᠮᠠᠯ ᠤᠷᠤᠰᠢᠳᠠᠭ᠃ ᠪᠤᠳᠠᠳᠠᠢ ᠪᠠᠷ ᠭᠡᠯᠡᠪᠠᠯ᠂ ᠮᠤᠩᠭᠤᠯ ᠪᠠᠭᠠᠳᠤᠷᠯᠢᠭ ᠲᠤᠤᠯᠢᠰ ᠤᠨ ᠪᠠᠭᠠᠳᠤᠷ ᠤᠳ ᠢ ᠶᠠᠷᠤ ᠨᠢ ︽ᠮᠢᠩᠭᠠᠨ ᠭᠥᠮᠥᠨ ᠤ ᠰᠥᠷ ᠢ ᠲᠠᠷᠤᠬᠤ ᠮᠢᠨᠳᠠᠰᠤᠨ ᠤᠯᠠᠭᠠᠨ ᠴᠢᠷᠠᠢ ᠲᠠᠢ᠂ ᠲᠥᠮᠡᠨ ᠭᠥᠮᠥᠨ ᠤ ᠰᠥᠷ ᠢ ᠲᠠᠷᠣᠬᠤ ᠲᠥᠭᠦᠭᠡᠢ ᠤᠯᠠᠭᠠᠨ ᠴᠢᠷᠠᠢ ᠲᠠᠢ︾ ᠭᠡᠭᠦ ᠮᠠᠳᠤᠴᠢᠯᠠᠨ ᠲᠥᠷᠰᠥᠯᠡᠳᠡᠭ ‍ᠠᠴᠠ ᠭᠠᠳᠠᠨ᠎ᠠ᠂ ᠲᠤᠤᠯᠢ ᠶᠢᠨ ᠪᠠᠭᠠᠳᠤᠷ ᠤᠨ ᠨᠢᠷᠤᠭᠤᠨ ᠳᠤ ᠲᠤᠯᠤᠭᠠᠨ ᠤᠯᠠᠭᠠᠨ ᠮᠠᠩᠭᠡ ᠲᠠᠢ ᠭᠡᠳᠡᠭ ᠪᠥᠭᠡᠳ ᠲᠡᠷᠨ ᠭᠦ ᠤᠯᠠᠭᠠᠨ ᠮᠠᠩᠭᠡ ᠳᠤ ᠨᠢ ᠪᠠᠭᠠᠳᠤᠷ ᠢᠳᠡᠳᠡᠨ ᠤ ᠰᠥᠨᠡᠰᠤ ᠰᠥᠯᠳᠠ᠂ ᠢᠳᠠ ᠭᠥᠴᠤ᠂ ᠤᠬᠠᠭᠠᠨ ᠪᠢᠯᠢᠭ ᠨᠢ ᠤᠷᠤᠰᠢᠵᠤ ᠪᠠᠶᠢᠬᠤ ᠪᠠᠷ ᠥᠭᠦᠯᠡᠳᠡᠭ ᠪᠠᠶᠢᠨ᠎ᠠ᠃ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠠᠷᠠᠳ ᠤᠨ ᠠᠮᠠᠨ ᠵᠤᠭᠢᠶᠠᠯ ᠳᠤ ᠡᠨᠡ ᠮᠠᠳᠤ ᠪᠠᠷ ᠲᠤᠰᠬᠠᠭᠳᠠᠭᠰᠠᠨ ‍ᠠᠴᠠ ᠭᠠᠳᠠᠨ᠎ᠠ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠳᠤ ᠤᠳᠤ ᠴᠤ ᠭᠡᠰᠡᠨ ᠨᠢᠭᠡᠨ ᠠᠳᠠᠯᠢ ᠭᠡᠷᠡᠭᠯᠡᠭᠳᠡᠵᠤ ᠪᠠᠶᠢᠬᠤ ᠶᠤᠮ᠃ ᠡᠨᠡ ᠲᠠᠯ᠎ᠠ ᠪᠠᠷ ᠵᠢᠱᠢᠶᠠᠯᠡᠭᠦ ᠳᠤ ︽ᠬᠠᠯᠬ᠎ᠠ ᠶᠢᠨ ᠮᠤᠳᠤᠨ ᠡᠳ᠋ᠯᠠᠯ ᠤᠨ ᠤᠷᠠᠯᠢᠭ ᠤᠨ ᠥᠩᠭᠡ ᠪᠤᠳᠤᠭ ᠤᠨ ᠬᠠᠮᠤᠭ ᠤᠨ ᠲᠥᠭᠡᠮᠡᠯ ᠤᠨᠴᠠᠯᠢᠭ ᠤᠨ ᠨᠢᠭᠡ ᠪᠤᠯ ᠪᠤᠳᠤᠬᠤ ᠵᠥᠢᠯ ᠢᠶᠠᠨ ᠲᠤᠳᠤ ᠤᠯᠠᠭᠠᠨ ᠢᠶᠠᠷ ᠪᠤᠳᠤᠵᠤ᠂ ᠲᠡᠭᠡᠷ᠎ᠠ ᠨᠢ ᠭᠡ ᠲᠠᠯᠪᠢᠬᠤ ᠶᠤᠮ᠃ ᠡᠨᠡ ᠨᠢ ᠶᠡᠭᠡᠩᠭᠢ ᠳᠤ ᠪᠠᠨ ᠠᠶᠢᠯ ᠭᠡᠷ ᠤᠨ ᠲᠤᠭᠤᠨᠤ᠂ ᠤᠨᠢ᠂ ᠪᠠᠭᠠᠨ᠎ᠠ᠂ ᠠᠪᠳᠠᠷ᠎ᠠ᠂ ᠡᠷᠭᠢᠨᠡᠭ᠂ ᠤᠷᠤ ᠶᠢᠨ ᠨᠢᠭᠤᠷ᠂ ᠪᠤᠷᠬᠠᠨ ᠤ ᠰᠢᠷᠡᠭᠡ᠂ ᠰᠥᠮ᠎ᠠ ᠲᠤᠭᠠᠩ ᠤᠨ ᠬᠠᠭᠠᠯᠭ᠎ᠠ᠂ ᠡᠭᠦᠳᠠ᠂ ᠪᠠᠭᠠᠨ᠎ᠠ᠂ ᠴᠤᠩᠬᠤ᠂ ᠲᠠᠭᠠᠵᠠ ᠵᠡᠷᠭᠡ ᠶᠢ ᠪᠤᠳᠤᠭᠰᠠᠨ ᠪᠠᠶᠢᠳᠠᠭ᠃ ᠬᠠᠯᠠᠭᠴᠤᠳ ᠭᠡᠵᠢᠶᠠᠨᠠᠢ ‍ᠠᠴᠠ ᠤᠯᠠᠭᠠᠨ ᠥᠩᠭᠡ ᠶᠢ ᠭᠠᠯ ᠤᠨ ᠲᠥᠯᠥ ᠰᠢᠭ ᠥᠭᠡᠳᠠ ᠥᠭᠡᠳᠡᠷᠭᠡᠭ᠂ ᠢᠯᠠᠨ ᠮᠠᠨᠳᠤᠬᠤ᠂ ᠪᠠᠶᠠᠷ ᠵᠢᠷᠭᠠᠯ᠂ ᠴᠡᠪᠠᠷ ᠠᠷᠢᠭᠤᠨ ᠢ ᠲᠥᠯᠥᠭᠡᠯᠡᠭᠦᠯᠥᠨ ᠪᠡᠯᠭᠡᠰᠢᠶᠠᠳᠡᠭ᠃ ᠲᠤᠬᠠᠢᠢᠯᠠᠪᠠᠯ᠂ ᠡᠭᠦᠳᠠ ᠬᠠᠭᠠᠯᠭ᠎ᠠ ᠶᠢ ᠤᠯᠠᠭᠠᠨ ᠢᠶᠠᠷ ᠪᠤᠳᠤᠬᠤ ᠳᠤ ᠪᠠᠨ ᠡᠭᠦᠨ ᠢᠶᠠᠷ ᠤᠷᠤᠵᠤ ᠭᠠᠷᠴᠤ ᠪᠠᠶᠢᠭ᠎ᠠ ᠭᠡᠨ ᠪᠤᠯᠪᠠᠴᠤ ᠡᠯᠳᠡᠪ ᠡᠪᠠᠳᠴᠢᠨ ᠵᠤᠪᠠᠯᠠᠩ ᠥᠭᠡᠢ᠂ ᠬᠠᠷ᠎ᠠ ᠮᠠᠭᠤ ᠰᠠᠨᠠᠭ᠎ᠠ ᠥᠭᠡᠢ᠂ ᠭᠠᠯ ᠤᠨ ᠲᠥᠯᠥ ᠰᠢᠭ ᠥᠭᠡᠳᠡᠷᠭᠡᠭ᠂ ᠭᠡᠶᠢᠮᠤᠷᠢ ᠲᠠᠢ ᠪᠠᠶᠢᠬᠤ ᠤᠳᠬ᠎ᠠ ᠶᠢ ᠠᠬᠤᠭᠤᠯᠳᠠᠭ ᠠᠵᠢ︾ ᠭᠡᠵᠥ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠪᠤᠳᠠᠳᠤ ᠪᠠᠶᠢᠳᠠᠯ ‍ᠠᠴᠠ ᠠᠵᠢᠭᠯᠠᠬᠤ ᠳᠤ᠂ ᠤᠯᠠᠭᠠᠨ ᠥᠩᠭᠡ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠰᠢᠰᠲ᠋ᠧᠮ ᠤᠨ ᠲᠤᠳᠤᠷᠠᠭᠢ ᠴᠢᠬᠤᠯᠨ ᠨᠢᠭᠡᠨ ᠪᠡᠯᠭᠡᠳᠠᠯ ᠥᠩᠭᠡ ᠪᠥᠭᠡᠳ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢ ᠪᠡᠯᠭᠡᠳᠡᠭᠰᠡᠨ ᠤᠳᠬ᠎ᠠ ᠪᠠᠷ ᠭᠡᠷᠡᠭᠯᠡᠭᠳᠠᠭᠦ ᠳᠤ ᠪᠠᠨ ᠨᠠᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠤᠨ ᠪᠤᠳᠠᠳᠤ ᠥᠢᠯᠠᠳᠥᠯᠭᠡ ᠳᠤ ᠥᠷᠭᠡᠵᠢᠨ ᠨᠡᠪᠳᠠᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ ᠶᠤᠮ᠃ 　 ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠤᠳᠬ᠎ᠠ ᠨᠢ ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠮᠠᠳᠤ ᠪᠠᠷ ᠠᠮᠢᠯᠠᠯ ᠡᠰᠡᠨᠢᠯ᠂ ᠭᠥᠭᠵᠢᠯ ᠮᠠᠨᠳᠤᠯ ᠤᠨ ᠪᠡᠯᠭᠡᠳᠠᠯ︔ ᠥᠨᠠᠨᠴᠢ ᠰᠠᠳᠭᠢᠯ᠂ ᠡᠯᠢᠭᠡᠨ ᠬᠠᠶᠢᠷ᠎ᠠ ᠶᠢᠨ ᠪᠡᠯᠭᠡᠳᠠᠯ︔ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢᠨ ᠪᠡᠯᠭᠡᠳᠠᠯ ᠢ ᠢᠯᠠᠳᠭᠡᠵᠥ᠂ ᠮᠤᠩᠭᠤᠯᠴᠤᠳ ᠤᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠳᠤ ᠥᠪᠠᠷᠮᠢᠴᠠ ᠤᠨᠴᠠᠭᠠᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠥᠭᠡᠳ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠴᠢᠰᠤᠨ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ‍ᠠᠴᠠ ᠡᠭᠢ ᠡᠭᠦᠰᠥᠯ ᠲᠠᠢ ᠶᠤᠮ᠃ ᠡᠷᠳᠠ ᠥᠶ᠎ᠠ ᠶᠢᠨ ᠨᠠᠶᠢᠭᠡᠮ ᠤᠨ ᠥᠨᠳᠤᠰᠤᠨ ᠭᠥᠴᠤᠨ ᠵᠥᠢᠯ ᠪᠤᠯ ︽ᠡᠯᠢᠭᠡ ᠴᠢᠰᠤᠨ ᠤ ᠤᠨᠴᠠᠭᠠᠢ ᠬᠤᠯᠪᠤᠭ᠎ᠠ︾ ᠪᠠᠷ ᠪᠥᠷᠢᠯᠳᠥᠭᠰᠡᠨ ᠤᠪᠤᠭ ᠮᠥᠨ᠃ ᠢᠢᠮᠤᠷᠭᠦᠤ ᠴᠢᠰᠤᠨ ᠲᠥᠷᠥᠯ ᠤᠨ ᠬᠠᠷᠢᠴᠠᠭ᠎ᠠ ᠲᠠᠢ ᠤᠪᠤᠭ ᠤᠨ ᠥᠶ᠎ᠠ ᠶᠢᠨ ᠭᠥᠮᠥᠰ ᠤᠨ ᠬᠤᠭᠤᠷᠤᠨᠳᠤᠭᠢ ᠬᠠᠷᠢᠯᠴᠠᠭᠠᠨ ᠤ ᠰᠠᠭᠤᠷᠢ ᠨᠢ ᠴᠢᠰᠤᠨ ᠬᠤᠯᠪᠤᠭᠠᠯᠠᠯ ᠪᠤᠯᠬᠤ ᠶᠤᠮ᠃ ᠢᠢᠮᠤ ‍ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠷ᠎ᠠ ︽ᠴᠠᠭᠠᠨ ᠶᠠᠰᠤᠨ ᠭᠡᠯᠭᠢᠶ᠎ᠠ ᠲᠠᠢ᠂ ᠤᠯᠠᠭᠠᠨ ᠴᠢᠰᠤᠨ ᠤᠳᠤᠮ ᠲᠠᠢ︾ ᠭᠡᠰᠡᠨ ᠭᠡᠯᠡᠯᠭᠡ ᠪᠤᠢ ᠪᠤᠯᠵᠠᠢ᠃ ᠡᠨᠡ ᠪᠠᠶᠢᠳᠠᠯ ‍ᠠᠴᠠ ᠰᠢᠯᠳᠠᠭᠠᠯᠠᠵᠤ᠂ ᠲᠤᠬᠠᠢ ᠶᠢᠨ ᠥᠶ᠎ᠠ ᠶᠢᠨ ᠭᠥᠮᠥᠰ ᠲᠤ ᠴᠢᠰᠥ ᠶᠢ ᠴᠢᠬᠤᠯᠠᠴᠢᠯᠠᠨ ᠥᠵᠡᠭᠦ ᠤᠨᠴᠠᠭᠠᠢ ᠤᠬᠠᠮᠰᠠᠷ ᠡᠭᠦᠰᠥᠨ ᠪᠥᠷᠢᠯᠳᠥᠵᠥ᠂ ᠲᠠᠷᠨ ᠨᠢ ᠥᠵᠠᠯ ᠤᠬᠠᠮᠰᠠᠷ ᠤᠨ ᠭᠥᠷᠢᠶ᠎ᠠ ᠭᠡᠪᠴᠢᠶᠠᠨ ᠳᠤ ᠪᠠᠶᠢᠷᠢ ᠡᠵᠡᠯᠠᠨ᠂ ᠨᠠᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠳᠤ ᠤᠯᠠᠨ ᠲᠠᠯ᠎ᠠ ᠪᠠᠷ ᠨᠥᠯᠥᠭᠡ ᠲᠤᠰᠬᠠᠯ ᠢᠶᠠᠨ ᠤᠯᠵᠤ ᠪᠠᠶᠢᠪᠠ᠃ ᠲᠤᠬᠠᠢᠢᠯᠠᠪᠠᠯ᠂ ᠭᠥᠮᠥᠨ ᠤ ᠠᠮᠢ ᠨᠠᠰᠤᠨ ᠤ ᠪᠥᠳᠤᠵᠤ ᠪᠥᠷᠢᠯᠳᠥᠭᠦ ᠰᠢᠮ᠎ᠠ ᠶᠢ ᠴᠢᠰᠥ ᠮᠥᠨ ᠭᠡᠵᠥ ᠥᠵᠡᠭᠦ᠂ ᠭᠥᠮᠥᠨ ᠤ ᠰᠥᠨᠡᠰᠤ ᠶᠢ ᠴᠢᠰᠤᠨ ᠳᠤ ᠤᠷᠤᠰᠢᠵᠤ ᠪᠠᠶᠢᠬᠤ ᠪᠠᠷ ᠥᠢᠯᠠᠭᠠᠳᠠᠭ ᠪᠠᠶᠢᠵᠠᠢ᠃ ᠲᠤᠤᠯᠢ ᠶᠢᠨ ᠪᠠᠭᠠᠳᠤᠷ ᠢ ︽ᠠᠮᠢ ᠶᠢ ᠨᠢ ᠰᠠᠭᠢᠭᠰᠠᠨ ᠠᠶᠠᠭᠠᠨ ᠴᠢᠨᠡᠭᠡᠨ ᠴᠢᠰᠤᠨ ᠤᠯᠠᠭᠠᠨ ᠮᠠᠩᠭᠡ ᠲᠠᠢ︾ ᠭᠡᠵᠥ ᠲᠥᠷᠰᠥᠯᠡᠭᠡᠳ᠂ ᠮᠠᠩᠭᠡ ᠶᠢ ᠨᠢ ᠤᠭᠳᠤᠯᠬᠤ ᠪᠤᠶᠤ ᠬᠠᠭᠠᠯᠪᠠᠯ ᠰᠠᠶ᠋ᠢ ᠠᠯᠠᠵᠤ ᠴᠢᠳᠠᠳᠠᠭ ᠢᠶᠠᠷ ᠥᠭᠦᠯᠡᠳᠡᠭ ᠨᠢ ᠡᠭᠦᠨ ᠤ ᠨᠢᠭᠡᠨ ᠪᠤᠳᠠᠳᠤ ᠵᠢᠱᠢᠶ᠎ᠠ ᠪᠤᠯᠬᠤ ᠶᠤᠮ᠃ ᠢᠢᠮᠤᠷᠭᠦᠤ ᠥᠵᠠᠯ ᠤᠢᠢᠯᠠᠭᠠᠯᠳᠠ ‍ᠠᠴᠠ ᠪᠤᠯᠵᠤ᠂ ᠭᠥᠮᠥᠨ ᠤ ᠡᠷᠡᠭᠦᠯ ᠪᠠᠶ᠎ᠠ ᠶᠢᠨ ᠴᠢᠰᠤᠨ ᠤ ᠥᠩᠭᠡ ᠪᠠᠷ ᠥᠯᠢᠭᠡᠷ ᠤᠨ ᠪᠠᠭᠠᠳᠤᠷ ᠤᠨ ᠠᠮᠢᠯᠠᠯ ᠡᠰᠡᠨᠢᠯ ᠢ ᠪᠡᠯᠭᠡᠳᠡᠭᠦ︔ ᠲᠥᠷᠢ ᠲᠥᠷᠭᠦ᠂ ᠭᠥᠳᠠᠯᠭᠡᠭᠡᠨ ᠪᠠᠶᠢᠳᠠᠯ ᠢ ᠲᠥᠷᠰᠥᠯᠡᠭᠦ︔ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢ ᠢᠯᠡᠳᠭᠡᠭᠦ ᠵᠠᠷᠭᠡ ᠨᠢ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠪᠤᠯ ᠴᠢᠰᠤᠨ ᠰᠢᠳᠥᠯᠭᠡ ‍ᠠᠴᠠ ᠡᠭᠢ ᠰᠤᠷᠪᠤᠯᠵᠢ ᠲᠠᠢ ᠭᠡᠳᠡᠭ ᠢ ᠪᠥᠷᠢᠨ ᠬᠠᠩᠭᠠᠯᠳᠠᠳᠠᠢ ᠲᠤᠰᠬᠠᠨ ᠬᠠᠷᠠᠭᠤᠯᠵᠤ ᠪᠠᠶᠢᠨ᠎ᠠ᠃      ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠪᠠᠰᠠ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠤᠨ ᠰᠢᠳᠥᠯᠭᠡ ᠶᠢᠨ ᠥᠵᠡᠯᠳᠠ ᠥᠢᠯᠠᠭᠠᠯᠳᠠ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃ ᠭᠠᠯ ᠤᠨ ᠰᠢᠳᠥᠯᠭᠡ ᠪᠤᠯ ᠭᠥᠮᠥᠨ ᠲᠥᠷᠥᠯᠭᠢᠳᠠᠨ ᠤ ᠡᠭᠦᠰᠥᠯ ᠭᠥᠭᠵᠢᠯ ᠤᠨ ᠲᠠᠥᠭᠡᠨ ᠭᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠤ ᠪᠤᠢ ᠪᠤᠯᠤᠭᠰᠠᠨ ᠰᠤᠶᠤᠯ ᠤᠨ ᠥᠵᠡᠭᠳᠠᠯ ᠤᠨ ᠨᠢᠭᠡ ᠶᠤᠮ᠃ ᠡᠷᠳᠠᠨ ᠤ ᠭᠥᠮᠥᠰ᠂ ᠭᠠᠯ ᠤᠨ ᠠᠶᠤᠯ ᠭᠥᠨᠥᠭᠡᠯ ᠢ ᠠᠮᠰᠠᠵᠤ᠂ ᠰᠥᠷᠳᠡᠭᠳᠠᠨ ᠠᠶᠤᠵᠤ ᠪᠠᠶᠢᠭᠰᠠᠨ ‍ᠠᠴᠠ ᠪᠠᠨ ᠲᠡᠭᠦᠨ ᠢ ᠠᠰᠢᠭᠯᠠᠨ ᠭᠡᠷᠡᠭᠯᠡᠭᠦ ᠪᠤᠯᠵᠤ᠂ ᠠᠴᠢ ᠲᠤᠰᠠ ᠶᠢ ᠨᠢ ᠭᠥᠷᠳᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠪᠠᠨ ᠭᠠᠯ ᠢ ᠰᠥᠰᠥᠭᠯᠡᠨ ᠪᠢᠰᠢᠷᠡᠭᠦ ᠰᠠᠳᠭᠢᠯᠭᠡ ᠡᠭᠦᠰᠴᠤ᠂ ᠲᠠᠭᠢᠵᠤ ᠰᠢᠳᠥᠭᠦ ᠵᠠᠩ ᠥᠢᠯᠨ ᠪᠥᠷᠢᠯᠳᠤᠨ ᠪᠤᠢ ᠪᠤᠯᠵᠠᠢ᠃ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠮᠤᠩᠭᠤᠯ ᠤᠭᠰᠠᠭᠠᠳᠠᠨ ᠴᠤ ᠭᠠᠯ ᠤᠨ ᠲᠤᠬᠠᠢ ᠰᠥᠰᠥᠭ ᠪᠢᠰᠢᠷᠠᠯ᠂ ᠰᠢᠳᠥᠯᠭᠡ ᠲᠠᠭᠢᠯᠭ᠎ᠠ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠮᠤᠩᠭᠤᠯᠴᠤᠳ ︽ᠡᠴᠢᠭᠡ ᠲᠡᠭᠷᠢ᠂ ᠡᠭᠡ ᠡᠳᠥᠭᠡᠨ︾ ᠭᠡᠮᠡᠨ ᠲᠡᠭᠷᠢ᠂ ᠭᠠᠵᠠᠷ ᠢ ᠭᠥᠢᠰᠥ ᠢᠯᠭᠠᠳᠠᠭ ᠤᠨ ᠠᠳᠠᠯᠢ ᠪᠠᠷ ︽ᠭᠠᠯ ᠭᠠᠯᠠᠶᠢᠬᠠᠨ ᠡᠭᠡ︾ ᠭᠡᠵᠤ ᠭᠠᠯ ᠢ ᠡᠮ᠎ᠠ ᠭᠥᠢᠰᠤᠨ ᠤ ᠪᠡᠯᠭᠡᠳᠠᠯ ᠪᠤᠯᠭᠠᠵᠤ᠂ ᠠᠮᠢᠯᠠᠯ ᠡᠰᠡᠨᠢᠯ ᠤᠨ ᠡᠭᠢ ᠰᠤᠷᠪᠤᠯᠵᠢ ᠪᠠᠷ ᠥᠢᠯᠠᠭᠠᠨ ᠤᠬᠠᠭᠠᠷᠠᠵᠤ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠤᠯᠠᠮ ᠢᠶᠠᠷ ᠭᠠᠯ ᠢ ᠠᠮᠢ ᠨᠠᠰᠤ ᠶᠢ ᠡᠭᠦᠰᠭᠡᠭᠴᠢ᠂ ᠡᠳ᠋ ᠠᠭᠤᠷᠠᠰᠤᠨ ᠢ ᠢᠪᠡᠭᠡᠭᠴᠢ᠂ ᠰᠥᠷ ᠰᠥᠯᠳᠠ ᠶᠢ ᠪᠠᠳᠠᠷᠠᠭᠠᠭᠴᠢ ᠪᠠᠷ ᠥᠵᠠᠵᠤ᠂ ᠲᠡᠭᠦᠨ ‍ᠠᠴᠠ ᠨᠠᠰᠤᠨ ᠬᠤᠳᠤᠭ᠂ ᠪᠤᠶᠠᠨ ᠭᠡᠰᠢᠭ᠂ ᠰᠥᠷ ᠰᠥᠯᠳᠠ ᠶᠢ ᠭᠤᠶᠤᠨ ᠬᠤᠷᠦ᠋ᠢᠯᠠᠵᠤ ᠪᠠᠶᠢᠭᠰᠠᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠲᠡᠭᠢᠯᠭ᠎ᠠ ᠶᠢᠨ ᠶᠤᠰᠤᠨ ᠳᠤ ᠪᠥᠷᠢᠨ ᠲᠤᠰᠬᠠᠯ ᠢᠶᠠᠨ ᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠭᠠᠯ ᠢᠶᠠᠷ ᠪᠡᠳᠠᠷᠠᠯ ᠭᠥᠭᠵᠢᠯ᠂ ᠴᠤᠭ ᠰᠥᠯᠳᠠ ᠶᠢ ᠪᠡᠯᠭᠡᠳᠡᠳᠡᠭ ᠨᠢ ᠭᠠᠯ ᠤᠨ ᠭᠡᠷᠡᠯ ᠥᠩᠭᠡ ᠶᠢᠨ ᠲᠤᠬᠠᠢ ᠥᠢᠯᠠᠭᠠᠯᠳᠠ ᠲᠠᠨᠢᠪᠤᠷᠢ ‍ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠡᠭᠦᠨ ᠳᠤ᠂ ᠭᠠᠯ ᠤᠨ ᠭᠡᠷᠠᠯ ᠲᠥᠯᠥ ᠶᠢᠨ ᠤᠯᠠᠭᠠᠨ ᠥᠩᠭᠡ ᠶᠢ ᠡᠷᠭᠢᠮᠯᠠᠨ ᠥᠵᠠᠵᠤ ᠪᠠᠶᠢᠭᠰᠠᠨ ᠤ ᠪᠤᠳᠠᠳᠠᠢ ᠢᠯᠠᠷᠠᠯ ᠨᠢ ᠭᠠᠯ ᠲᠡᠭᠷᠢ ᠶᠢᠨ ᠭᠥᠷᠥᠭ ᠲᠥᠷᠢ ᠶᠢ ᠤᠯᠠᠭᠠᠨ ᠴᠢᠷᠠᠢ ᠲᠠᠢ᠂ ᠭᠥᠮᠥᠰᠭᠡ ᠰᠠᠬᠠᠯ ᠨᠢ ᠭᠠᠯ ᠨᠤᠴᠤᠵᠤ ᠪᠠᠶᠢᠭ᠎ᠠ ᠮᠠᠳᠤ ᠤᠯᠠᠪᠤᠷ ᠰᠢᠷ᠎ᠠ ᠥᠩᠭᠡ ᠲᠠᠢ ᠪᠠᠷ ᠲᠥᠷᠰᠥᠯᠡᠳᠡᠭ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠮᠥᠨ ᠠᠷᠠᠳ ᠤᠨ ᠵᠥᠩ ᠪᠡᠯᠭᠡᠳᠠᠯ ᠤᠨ ᠥᠭᠡ ᠪᠤᠯᠤᠨ ᠭᠠᠯ ᠤᠨ ᠲᠡᠭᠢᠯᠭ᠎ᠠ ᠲᠠᠭᠤᠳᠠᠯᠭ᠎ᠠ ᠳᠤ ︽ᠤᠯᠠᠭᠠᠨ ᠭᠠᠯ ᠢᠶᠠᠨ ᠪᠠᠳᠠᠷᠠᠭᠠᠵᠤ᠂ ᠤᠳᠤᠮ ᠤᠭᠰᠠᠭ᠎ᠠ ᠪᠠᠨ ᠵᠠᠯᠭᠠᠮᠵᠢᠯᠨ︾᠂ ︽ᠤᠯᠠᠭᠠᠨ ᠬᠠᠳᠠᠨ ‍ᠠᠴᠠ ᠴᠠᠭᠢᠭᠰᠠᠨ᠂ ᠤᠤᠭᠠᠨ ᠭᠠᠯ ᠤᠨ ᠡᠭᠡ︾᠂ ︽ᠠᠯ ᠤᠯᠠᠭᠠᠨ ᠡᠮᠥᠰᠭᠡᠯᠳᠥ᠂ ᠠᠮᠤᠷᠯᠢᠩᠭᠤᠢ ᠤᠯᠠᠭᠠᠨ ᠲᠥᠷᠢᠳᠥ ᠭᠠᠯ ᠤᠨ ᠲᠡᠭᠷᠢ︾ ᠭᠡᠭᠦ ᠮᠠᠳᠤ ᠪᠠᠷ ᠲᠥᠷᠰᠥᠯᠡᠨ ᠥᠭᠦᠯᠡᠳᠡᠭ ᠪᠠᠶᠢᠨ᠎ᠠ᠃ ᠡᠨᠡ ᠮᠠᠳᠤᠴᠢᠯᠠᠨ ᠭᠠᠯ ᠤᠨ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ‍ᠠᠴᠠ ᠪᠤᠯᠵᠤ᠂ ᠭᠠᠯ ᠤᠨ ᠭᠡᠷᠠᠯ ᠲᠥᠯᠥ ᠪᠠᠷ ᠠᠮᠢᠯᠠᠯ ᠡᠰᠡᠨᠢᠯ᠂ ᠭᠥᠭᠵᠢᠯ ᠪᠠᠳᠠᠷᠠᠯ᠂ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢᠨ ᠪᠡᠯᠭᠡᠳᠠᠯ ᠪᠤᠯᠭᠠᠨ ᠲᠥᠷᠰᠥᠯᠡᠭᠦ ᠪᠠᠶᠢᠳᠠᠯ ᠤᠯᠠᠮᠵᠢᠯᠠᠯ ᠪᠤᠯᠤᠨ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠢᠷᠠᠵᠠᠢ᠃ 　 ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠨᠠᠷᠠᠨ ᠤ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ᠲᠠᠢ ᠮᠥᠨ ᠨᠢᠭᠡᠨ ᠠᠳᠠᠯᠢ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠨᠠᠷᠠᠨ ᠤ ᠰᠢᠳᠥᠯᠭᠡ ᠨᠢ ᠲᠠᠳᠠᠨ ᠤ ᠲᠡᠭᠷᠢ ᠶᠢ ᠰᠢᠳᠥᠵᠥ ᠪᠠᠶᠢᠭᠰᠠᠨ ‍ᠠᠴᠠ ᠡᠭᠢ ᠰᠤᠷᠪᠤᠯᠵᠢ ᠲᠠᠢ ᠶᠤᠮ᠃ ᠮᠤᠩᠭᠤᠯᠴᠤᠳ᠂ ᠲᠡᠭᠷᠢ᠂ ᠭᠠᠵᠠᠷ ᠢ ︽ᠡᠴᠢᠭᠡ ᠲᠡᠭᠷᠢ᠂ ᠡᠭᠡ ᠡᠳᠥᠭᠡᠨ︾ ᠭᠡᠵᠥ ᠥᠵᠡᠳᠡᠭ ᠤᠨ ᠤᠯᠠᠮ ‍ᠠᠴᠠ ᠨᠠᠷᠨ ᠶᠢ ᠮᠥᠨ ᠡᠷ᠎ᠠ ᠭᠥᠢᠰᠥᠨ ᠤ ᠪᠡᠯᠭᠡ ᠲᠠᠮᠳᠡᠭ ᠢᠶᠠᠷ ᠤᠬᠠᠭᠠᠷᠠᠨ ᠥᠢᠯᠠᠭᠠᠵᠤ ᠪᠠᠶᠢᠵᠠᠢ᠃ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ᠂ ᠠᠯᠤᠨ ᠭᠤᠸ᠎ᠠ ᠡᠭᠡ᠂ ᠡᠷ᠎ᠠ ᠨᠥᠭᠦᠷ ᠥᠭᠡᠢ ᠪᠠᠷ ᠲᠥᠷᠥᠭᠰᠡᠨ ᠪᠤᠭᠤ ᠬᠠᠳᠠᠭᠢ᠂ ᠪᠤᠬᠠᠳᠤ ᠰᠠᠯᠵᠢ᠂ ᠪᠤᠳᠤᠨᠴᠢᠷ ᠮᠤᠩᠬᠠᠭ ᠨᠠᠷ ᠢ ᠲᠡᠭᠷᠢ ᠶᠢᠨ ᠭᠥᠪᠡᠭᠦᠨ ᠢᠶᠠᠷ ᠡᠷᠭᠦᠮᠵᠢᠯᠠᠵᠤ᠂ ᠨᠠᠷᠠᠨ ᠰᠠᠷᠠᠨ ᠤ ᠭᠡᠷᠡᠯ ᠢᠶᠠᠷ ᠵᠢᠷᠮᠤᠰᠤᠯᠡᠭᠰᠡᠨ ᠢᠶᠠᠷ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠲᠡᠭᠷᠢ ᠶᠢᠨ ᠰᠢᠳᠥᠯᠭᠡ᠂ ᠨᠠᠷᠠᠨ ᠤ ᠪᠢᠰᠢᠷᠠᠯ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠪᠤᠯᠬᠤ ᠶᠢᠨ ᠬᠠᠮᠳᠤ᠂ ᠲᠡᠭᠷᠢ᠂ ᠨᠠᠷᠨ ᠶᠢ ᠡᠷ᠎ᠠ ᠭᠥᠢᠰᠥᠨ ᠤ ᠪᠡᠯᠭᠡᠳᠠᠯ ᠪᠤᠯᠭᠠᠨ ᠥᠵᠠᠵᠤ ᠪᠠᠶᠢᠭᠰᠠᠨ ᠢ ᠲᠤᠰᠬᠠᠨ ᠬᠠᠷᠠᠭᠤᠯᠵᠠᠢ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠵᠥᠩᠨᠡᠯ ᠪᠡᠯᠭᠡᠳᠠᠯ ᠳᠤ ︽ᠨᠠᠷᠨ ᠰᠢᠭ᠋ ᠪᠠᠳᠠᠷᠠᠵᠤ᠂ ᠨᠠᠪᠴᠢ ᠰᠢᠭ᠋ ᠲᠠᠯᠭᠡᠷᠡᠭᠦ︾᠂ ︽ᠨᠠᠷᠨ ᠲᠠᠢ ᠭᠠᠵᠠᠷ ᠭᠡᠷ ᠢᠶᠠᠨ ᠪᠠᠷᠢᠵᠤ᠂ ᠨᠠᠪᠴᠢ ᠲᠠᠢ ᠭᠠᠵᠠᠷ ᠮᠠᠯ ᠢᠶᠠᠨ ᠮᠠᠯᠵᠢᠬᠤ︾᠂ ︽ᠨᠠᠷᠨ ᠰᠠᠷᠨ ᠰᠢᠭ᠋ ᠬᠤᠤᠰᠯᠠᠵᠤ᠂ ᠨᠠᠪᠴᠢ ᠴᠡᠴᠡᠭ ᠰᠢᠭ ᠨᠥᠭᠦᠷᠯᠡᠭᠦ︾ ᠭᠡᠭᠦ ᠮᠠᠳᠤ ᠪᠠᠷ ᠪᠡᠯᠭᠡᠳᠠᠨ ᠵᠥᠩᠨᠡᠳᠡᠭ ᠨᠢ ᠲᠤᠩ ᠲᠥᠭᠡᠮᠡᠯ ᠶᠤᠮ᠃ ᠡᠳᠡᠭᠡᠷ ᠪᠠᠶᠢᠳᠠᠯ ‍ᠠᠴᠠ ᠥᠵᠡᠪᠠᠯ᠂ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠨᠠᠷᠠᠨ ᠤ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ᠲᠠᠢ ᠨᠢᠬᠳᠠ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠵᠤ᠂ ᠨᠠᠶᠢᠭᠡᠮ ᠤᠨ ᠭᠥᠭᠵᠢᠯ ᠤᠨ ᠠᠳᠠᠯᠢ ᠪᠤᠰᠤ ᠱᠠᠳᠤ ᠥᠶ᠎ᠠ ᠶᠢ ᠲᠠᠮᠵᠢᠬᠤ ᠳᠤ ᠪᠠᠨ ᠴᠠᠭ ᠥᠶ᠎ᠠ ᠶᠢᠨ ᠤᠨᠴᠠᠯᠢᠭ᠂ ᠨᠠᠶᠢᠭᠡᠮ ᠲᠡᠥᠭᠡ ᠶᠢᠨ ᠨᠥᠯᠥᠭᠡ ᠶᠢ ᠭᠥᠷᠳᠠᠵᠤ᠂ ᠪᠡᠯᠭᠡᠳᠠᠯ ᠤᠳᠬ᠎ᠠ ᠨᠢ ᠥᠷᠭᠡᠵᠢᠭᠰᠡᠨ ᠪᠠᠶᠢᠳᠠᠯ ᠲᠠᠢ᠃ ᠡᠨᠡ ᠨᠢ ᠨᠠᠷᠨ ᠪᠠᠷ ᠠᠮᠢᠯᠠᠯ ᠡᠰᠡᠨᠢᠯ᠂ ᠪᠡᠳᠠᠷᠠᠯ ᠭᠥᠭᠵᠢᠯ᠂ ᠥᠢᠯᠠᠰ ᠤᠨ ᠰᠠᠶᠢᠬᠠᠨ ᠢᠶᠠᠨ ᠪᠡᠯᠭᠡᠳᠡᠭᠦ ᠵᠠᠷᠭᠡ ᠳᠤ ᠪᠤᠳᠠᠳᠤ ᠢᠯᠠᠷᠡᠯ ᠢᠶᠠᠨ ᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ 　 ᠤᠯᠠᠭᠠᠨ ᠥᠩᠭᠡ ᠨᠢ ᠡᠷᠳᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠴᠢᠬᠤᠯᠨ ᠨᠢᠭᠡᠨ ᠪᠡᠯᠭᠡᠳᠠᠯ ᠥᠩᠭᠡ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠪᠡᠯᠭᠡᠳᠠᠯ ᠲᠥᠷᠰᠥᠯᠡᠯ ᠤᠨ ᠥᠷᠭᠡᠨ ᠭᠡᠪᠴᠢᠶ᠎ᠠ ᠶᠢ ᠬᠠᠮᠤᠷᠴᠤ᠂ ᠪᠡᠯᠭᠡᠳᠠᠯ ᠤᠨ ᠤᠯᠠᠨ ᠲᠠᠯ᠎ᠠ ᠶᠢᠨ ᠤᠳᠬ᠎ᠠ ᠶᠢ ᠢᠯᠠᠳᠭᠡᠵᠥ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠭᠠᠨ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠨᠢ ᠡᠷᠳᠠᠨ ᠤ ᠭᠥᠮᠥᠰ ᠤᠨ ᠴᠢᠰᠥᠨ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ‍ᠠᠴᠠ ᠡᠭᠢ ᠰᠤᠷᠪᠤᠯᠵᠢ ᠲᠠᠢ ᠡᠭᠦᠰᠤᠨ ᠪᠤᠢ ᠪᠤᠯᠵᠤ᠂ ᠭᠠᠯ ᠤᠨ ᠰᠢᠳᠥᠯᠭᠡ᠂ ᠨᠠᠷᠠᠨ ᠤ ᠰᠢᠳᠥᠯᠭᠡ ᠶᠢᠨ ᠥᠵᠠᠯ ᠥᠢᠯᠠᠭᠠᠯᠳᠠ ᠲᠠᠢ ᠨᠢᠬᠳᠠ ᠬᠤᠯᠪᠤᠭᠳᠠᠨ ᠪᠥᠷᠢᠯᠳᠥᠭᠰᠡᠨ ᠪᠥᠭᠡᠳ ᠨᠠᠶᠢᠭᠡᠮ ᠤᠨ ᠬᠤᠪᠢᠷᠠᠯ ᠭᠥᠭᠵᠢᠯ ᠢ ᠲᠠᠭᠠᠯᠳᠤᠨ ᠪᠡᠯᠭᠡᠳᠠᠯ ᠲᠥᠷᠰᠥᠯᠡᠯ ᠤᠨ ᠭᠥᠷᠢᠶ᠎ᠠ ᠭᠡᠪᠴᠢᠶ᠎ᠠ᠂ ᠪᠡᠯᠭᠡᠳᠠᠯ ᠤᠳᠬ᠎ᠠ ᠶᠢᠨ ᠢᠯᠠᠳᠭᠡᠮᠵᠢ ᠵᠡᠷᠭᠡ ᠲᠠᠯ᠎ᠠ ᠪᠠᠷ ᠬᠤᠪᠢᠷᠠᠨ ᠥᠭᠡᠷᠡᠳᠤᠵᠤ᠂ ᠵᠠᠷᠢᠮ ᠵᠥᠢᠯ ᠨᠢ ᠤᠷᠭᠢᠭᠳᠠᠨ ᠪᠠᠯᠠᠷᠬᠠᠢᠢᠰᠢᠬᠤ ᠶᠢᠨ ᠲᠠᠭᠠᠤ ᠪᠠᠰᠠ ᠰᠢᠨ᠎ᠠ ᠵᠥᠢᠯᠠᠰ ᠨᠠᠮᠡᠭᠳᠠᠨ ᠲᠡᠥᠭᠡᠨ ᠵᠠᠮᠨᠠᠯ ᠢᠶᠠᠨ ᠲᠤᠭᠤᠯᠬᠤ ᠳᠤ ᠪᠠᠨ ᠮᠤᠩᠭᠤᠯ ᠵᠠᠩ ᠥᠢᠯᠨ ᠶᠢᠨ ᠭᠥᠷᠢᠶᠠᠨ ᠳᠠᠬᠢ ᠥᠩᠭᠡ ᠶᠢᠨ ᠪᠡᠯᠭᠡᠳᠠᠯ ᠰᠢᠰᠲ᠋ᠧᠮ ᠳᠤ ᠥᠪᠠᠷᠮᠢᠴᠠ ᠤᠨᠴᠠᠯᠢᠭ ᠢᠶᠠᠨ ᠪᠥᠷᠢᠯᠳᠥᠭᠦᠯᠵᠤ᠂ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠡᠵᠠᠯᠠᠵᠠᠢ᠃
 
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠲᠠᠯᠣ ᠶᠢᠨ ᠶᠠᠰᠣᠠ ᠤ ᠢᠷᠣᠬᠡᠯ︾
ᠮᠦᠩᠭᠦᠠ ᠮᠣᠳᠣ
ᠱᠠᠭ᠎ᠠ ᠪᠠᠷ ᠷᠢᠳᠢ ᠰᠢᠳᠢ ᠶᠢ ᠪᠡᠯᠭᠡᠳᠡᠭᠦ
ᠶᠣᠸᠠᠠ ᠢᠩᠽᠦ᠋ᠩ ᠬᠠᠭᠠᠠ
︽ᠠᠳᠠᠭ᠎ᠠ ᠲᠡᠭᠷᠢ ᠶᠢᠨ ᠲᠠᠬᠢᠯᠭ᠎ᠠ︾
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号