ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠶᠡᠭᠡ ᠪᠠᠭ᠎ᠠ ᠲᠠᠭᠢᠯᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/5/13
 ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠶᠡᠭᠡ ᠲᠠᠭᠢᠯᠭ᠎ᠠ 　     ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠤᠯᠤᠭᠠᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠲᠥᠷᠪᠡᠨ ᠤ ᠲᠠᠭᠢᠯᠭ᠎ᠠ ᠶᠢ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠶᠡᠭᠡ ᠲᠠᠭᠢᠯᠭ᠎ᠠ ᠭᠡᠳᠡᠭ᠃ ᠡᠭᠦᠨ ᠢ ᠪᠠᠰᠠ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠲᠠᠰᠠᠮᠠᠨ ᠲᠠᠭᠢᠯᠭ᠎ᠠ ᠭᠡᠨ᠎ᠠ᠃ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠶᠡᠭᠡ ᠲᠠᠭᠢᠯᠭ᠎ᠠ ᠶᠢ ᠭᠥᠢᠴᠡᠳᠭᠡᠭᠴᠢ ᠨᠢ ᠪᠠᠭ᠎ᠠ ᠲᠠᠭᠢᠯᠭ᠎ᠠ ᠶᠢ ᠡᠷᠭᠢᠯᠡᠭᠰᠡᠨ ᠠᠷᠪᠠᠨ ᠬᠤᠶᠠᠷ ᠭᠥᠮᠥᠨ ᠠᠴᠠ ᠭᠠᠳᠠᠨ᠎ᠠ᠂ ᠪᠤᠱᠤᠭᠤ ᠬᠤᠶᠠᠷ᠂ ᠰᠢᠭᠦᠭᠴᠢ ᠬᠤᠶᠠᠷ᠂ ᠪᠥᠷᠢᠶᠠᠴᠢᠨ ᠬᠤᠶᠠᠷ᠂ ᠲᠥᠰᠢᠮᠠᠯ ᠨᠢᠭᠡ᠂ ᠲᠠᠷᠬᠠᠨ ᠪᠠᠭᠠᠳᠤᠷ ᠨᠢᠭᠡ᠂ ᠴᠢᠩᠰᠠᠩ ᠭᠤᠷᠪᠠ ᠨᠠᠶᠢᠳᠠ ᠬᠤᠷᠢᠨ ᠭᠤᠷᠪᠠᠨ ᠭᠥᠮᠥᠨ ᠪᠠᠶᠢᠳᠠᠭ᠃ ᠲᠤᠰ ᠲᠠᠭᠢᠯᠭ᠎ᠠ ᠳᠤ ᠤᠡᠭᠭᠤᠨ ᠬᠠᠷ᠎ᠠ ᠢᠮᠠᠭ᠎ᠠ ᠬᠤᠶᠠᠷ᠂ ᠵᠢᠨᠤᠩ ᠤᠨ ᠲᠠᠯ᠎ᠠ ᠠᠴᠠ ᠶᠢᠰᠤᠨ ᠬᠤᠨᠢ᠂ ᠶᠢᠰᠤᠨ ᠭᠡᠮ ᠰᠠᠷᠬᠤᠳ᠂ ᠲᠠᠷᠬᠠᠳ ᠤᠨ ᠲᠠᠯ᠎ᠠ ᠠᠴᠠ ᠭᠤᠷᠪᠠᠨ ᠬᠤᠨᠢ᠂ ᠭᠤᠷᠪᠠᠨ ᠭᠡᠮ ᠰᠠᠷᠬᠤᠳ᠂ ᠨᠠᠶᠢᠳᠠ ᠠᠷᠪᠠᠨ ᠬᠤᠶᠠᠷ ᠬᠤᠨᠢ᠂ ᠠᠷᠪᠠᠨ ᠬᠤᠶᠠᠷ ᠭᠡᠮ ᠰᠠᠷᠬᠤᠳ᠂ ᠭᠥᠵᠢ᠂ ᠵᠤᠯᠠ ᠵᠠᠷᠭᠡ ᠪᠠᠷ ᠲᠠᠭᠢᠯᠭ᠎ᠠ ᠭᠢᠵᠥ᠂ ᠬᠤᠶᠠᠷ ᠬᠠᠳᠠᠨ ᠤᠯᠠᠭᠠᠨ ᠪᠥᠷᠢᠶ᠎ᠠ᠂ ᠶᠢᠰᠤᠨ ᠭᠡᠭᠡᠷ ᠠᠵᠢᠷᠭᠠᠨ ᠤ ᠲᠠᠯ ᠭᠡᠷᠡᠭᠯᠡᠳᠡᠭ᠃ 　     ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠶᠡᠭᠡ ᠲᠠᠭᠢᠯᠭ᠎ᠠ ᠨᠢ ︽ᠢᠮᠠᠭ᠎ᠠ ᠰᠢᠭᠦᠭᠦ ᠶᠤᠰᠤᠯᠠᠯ︾᠂ ᠭᠥᠭᠦᠯ ᠰᠢᠨᠠᠳᠭᠡᠭᠦ᠂ ︽ᠬᠠᠷ᠎ᠠ ᠰᠥᠯᠳᠠ ᠲᠤᠭᠰᠢᠭᠤᠯᠬᠤ ᠥᠴᠢᠭ︾ ᠲᠠᠭᠤᠳᠠᠬᠤ ᠵᠠᠷᠭᠡ ᠲᠠᠷᠠᠭᠠᠯᠠᠯ ᠢᠶᠠᠷ ᠶᠠᠪᠤᠭᠳᠠᠵᠤ᠂ ᠲᠠᠭᠢᠯᠭ᠎ᠠ ᠶᠢᠨ ᠪᠤᠰᠤᠳ ᠤᠢᠢᠯᠨ ᠶᠤᠰᠤᠯᠠᠯ ᠨᠢ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠪᠠᠭ᠎ᠠ ᠲᠠᠭᠢᠯᠭ᠎ᠠ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠪᠠᠭ᠎ᠠ ᠲᠠᠭᠢᠯᠭ᠎ᠠ 　 ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠰᠠᠷ᠎ᠠ ᠪᠥᠷᠢ ᠶᠢᠨ ᠰᠢᠨ᠎ᠠ ᠶᠢᠨ ᠨᠢᠭᠡᠨ᠂ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠳᠤ ᠬᠠᠷ᠎ᠠ ᠰᠥᠯᠳᠠ ᠶᠢ ᠲᠠᠭᠢᠳᠠᠭ᠃ ᠡᠭᠦᠨ ᠢ ᠪᠠᠰᠠ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠰᠠᠷ᠎ᠠ ᠶᠢᠨ ᠲᠠᠭᠢᠯᠭ᠎ᠠ ᠭᠡᠳᠡᠭ᠃ ᠰᠠᠷ᠎ᠠ ᠪᠥᠷᠢ ᠶᠢᠨ ᠰᠢᠨ᠎ᠠ ᠶᠢᠨ ᠨᠢᠭᠡᠨ ᠳᠤ ᠲᠠᠷᠬᠠᠳ ᠠᠴᠠ ᠨᠢᠭᠡ ᠥᠳᠭᠡ ᠶᠢᠨ ᠲᠠᠭᠢᠯᠭ᠎ᠠ ᠡᠷᠭᠦᠵᠥ᠂ ᠰᠠᠷ᠎ᠠ ᠪᠥᠷᠢ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠳᠤ ᠵᠢᠨᠤᠩ ᠤᠨ ᠲᠠᠯ᠎ᠠ ᠠᠴᠠ ᠨᠢᠭᠡ ᠥᠳᠭᠡ ᠪᠠᠷ ᠲᠠᠭᠢᠯᠭ᠎ᠠ ᠭᠢᠳᠡᠭ᠃ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠤ ᠲᠠᠭᠢᠯᠭ᠎ᠠ ᠳᠤ ᠵᠠᠯᠭᠠᠮᠵᠢ ᠲᠠᠶᠢᠵᠢ ᠤᠷᠤᠯᠴᠠᠳᠠᠭ ᠪᠤᠯᠬᠤᠷ᠂ ︽ᠵᠠᠯᠭᠠᠮᠵᠢ ᠲᠠᠭᠢᠯᠭ᠎ᠠ︾ ᠴᠤ ᠭᠡᠳᠡᠭ᠃ 　       ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠤᠯᠠᠷᠢᠯ ᠪᠥᠷᠢ ᠶᠢᠨ ᠡᠭᠢᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠤ ᠲᠠᠭᠢᠯᠭ᠎ᠠ ᠳᠤ ᠭᠤᠷᠪᠠᠨ ᠬᠤᠨᠢ᠂ ᠭᠤᠷᠪᠠᠨ ᠭᠡᠮ ᠰᠠᠷᠬᠤᠳ ᠭᠡᠷᠡᠭᠯᠡᠳᠡᠭ ᠪᠥᠭᠡᠳ ᠬᠠᠪᠤᠷ ᠤᠨ ᠡᠭᠢᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠤ ᠲᠠᠭᠢᠯᠭ᠎ᠠ ᠶᠢ ︽ᠬᠠᠪᠤᠷᠵᠢᠶ᠎ᠠ ᠶᠢᠨ ᠲᠠᠭᠢᠯᠭ᠎ᠠ︾᠂ ᠵᠤᠨ ᠤ ᠡᠭᠢᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠤ ᠲᠠᠭᠢᠯᠭ᠎ᠠ ᠶᠢ ︽ᠵᠤᠰᠠᠯᠠᠩ ᠤᠨ ᠲᠠᠭᠢᠯᠭ᠎ᠠ︾᠂ ᠨᠠᠮᠤᠷ ᠤᠨ ᠡᠭᠢᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ ᠤ ᠲᠠᠭᠢᠯᠭ᠎ᠠ ᠶᠢ ︽ᠨᠠᠮᠤᠷᠵᠢᠶ᠎ᠠ ᠶᠢᠨ ᠲᠠᠭᠢᠯᠭ᠎ᠠ︾᠂ ᠡᠪᠤᠯ ᠤᠨ ᠡᠭᠢᠨ ᠰᠠᠷ᠎ᠠ ᠶᠢᠨ ᠲᠠᠭᠢᠯᠭ᠎ᠠ ᠶᠢ ︽ᠡᠪᠥᠯᠵᠢᠶ᠎ᠠ ᠶᠢᠨ ᠲᠠᠭᠢᠯᠭ᠎ᠠ︾ ᠭᠡᠵᠥ ᠨᠠᠷᠠᠯᠡᠳᠡᠭ᠃ 　      ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠪᠠᠭ᠎ᠠ ᠲᠠᠭᠢᠯᠭ᠎ᠠ ᠳᠤ ᠪᠠᠰᠠ ᠵᠤᠨ ᠤ ᠤᠯᠠᠷᠢᠯ ᠤᠨ ᠰᠡᠭᠦᠯ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠤ ᠤᠭᠤᠷᠠᠭ ᠬᠤᠷᠠᠭᠠᠨ ᠲᠠᠭᠢᠯᠭ᠎ᠠ᠂ ᠠᠷᠪᠠᠨ ᠬᠤᠶᠠᠷ ᠰᠠᠷ᠎ᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠭᠠᠯ ᠤᠨ ᠲᠠᠭᠢᠯᠭ᠎ᠠ ᠶᠢ ᠪᠠᠭᠳᠠᠭᠠᠳᠠᠭ᠃ ᠬᠠᠷ᠎ᠠ ᠰᠥᠯᠳᠠ ᠶᠢᠨ ᠪᠠᠭ᠎ᠠ ᠲᠠᠭᠢᠯᠭ᠎ᠠ ᠶᠢ ᠡᠷᠭᠢᠯᠡᠨ ᠭᠥᠢᠴᠡᠳᠭᠡᠭᠦ ᠳᠤ ᠵᠠᠶᠢᠰᠠᠩ᠂ ᠮᠢᠩᠭᠠᠳᠤ᠂ ᠲᠥᠮᠡᠳᠤ᠂ ᠴᠢᠩᠰᠠᠩ᠂ ᠲᠤᠤᠯᠢ᠂ ᠢᠷᠥᠭᠡᠯᠴᠢ᠂ ᠴᠡᠷᠭᠢᠴᠢ᠂ ᠵᠠᠯᠭᠠᠮᠵᠢ ᠲᠠᠶᠢᠵᠢ ᠲᠤᠰᠪᠥᠷᠢ ᠨᠢᠭᠡ ᠭᠥᠮᠥᠨ᠂ ᠬᠤᠶᠠᠷ ᠵᠠᠰᠠᠭᠤᠯᠴᠢ᠂ ᠬᠤᠶᠠᠷ ᠬᠠᠷᠢᠭᠤᠯᠤᠭᠴᠢ ᠲᠠᠢ ᠨᠠᠶᠢᠳᠠ ᠠᠷᠪᠠᠨ ᠬᠤᠶᠠᠷ ᠭᠥᠮᠥᠨ ᠤᠷᠤᠯᠴᠠᠳᠠᠭ᠃
 
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠲᠠᠯᠣ ᠶᠢᠨ ᠶᠠᠰᠣᠠ ᠤ ᠢᠷᠣᠬᠡᠯ︾
ᠮᠦᠩᠭᠦᠠ ᠮᠣᠳᠣ
ᠱᠠᠭ᠎ᠠ ᠪᠠᠷ ᠷᠢᠳᠢ ᠰᠢᠳᠢ ᠶᠢ ᠪᠡᠯᠭᠡᠳᠡᠭᠦ
ᠶᠣᠸᠠᠠ ᠢᠩᠽᠦ᠋ᠩ ᠬᠠᠭᠠᠠ
︽ᠠᠳᠠᠭ᠎ᠠ ᠲᠡᠭᠷᠢ ᠶᠢᠨ ᠲᠠᠬᠢᠯᠭ᠎ᠠ︾
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号