| ᠴᠢᠩᠬᠢᠰ ᠤᠨ ᠠᠯᠲᠠᠨ ᠤᠷᠤᠭ ᠤᠨ ᠦᠷᠡᠰ ᠳᠡᠭᠡᠳᠦᠰ ᠤᠨ ᠢᠶᠠᠨ ᠭᠡᠭᠡᠨ ᠰᠦᠨᠡᠰᠦᠨ ᠳᠤ ᠳᠤᠶ᠋ᠢᠩ ᠲᠦᠯᠡᠰᠢ | ᠡᠷᠭᠦᠬᠦ ᠳᠠᠬᠢᠯᠭᠠ ᠶᠢ ᠭᠠᠷᠢᠯᠢ ᠶᠢᠨ ᠳᠠᠬᠢᠯᠭᠠ ᠭᠡᠳᠡᠭ᠃ ᠭᠠᠷᠢᠯᠢ ᠭᠡᠳᠡᠭ ᠨᠢ ᠳᠤᠶ᠋ᠢᠩ ᠭᠡᠬᠦ ᠤᠳᠬᠠ ᠲᠠᠢ ᠦᠭᠡ᠃ | ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠤ ᠭᠠᠷᠢᠯᠢ ᠶᠢᠨ ᠳᠠᠬᠢᠯᠭᠠ ᠬᠢᠳᠡᠭ᠃ ᠡᠨᠡ ᠡᠳᠦᠷ ᠤᠨ ᠳᠠᠭᠢᠯᠭᠠ ᠶᠢ ᠲᠤᠯᠤᠢ ᠡᠵᠡᠨ | ᠰᠢᠲᠦᠭᠡᠨ ᠤ ᠢᠷᠦᠭᠡᠯᠴᠢ ᠳᠦᠰᠢᠮᠡᠯ ︽ᠬᠡᠷ ᠤᠨ ᠨᠤᠶᠠᠨ︾ ᠭᠦᠢᠴᠡᠳᠬᠡᠳᠡᠭ᠃ ᠬᠤᠷᠢᠨ ᠤ ᠡᠳᠦᠷ ᠲᠤᠯᠤᠢ ᠡᠵᠡᠨ | ᠰᠢᠲᠦᠭᠡᠨ ᠤ ᠢᠷᠦᠭᠡᠯᠴᠢ ᠳᠦᠰᠢᠮᠡᠯ ᠲᠦᠷᠦᠭᠦᠲᠠᠢ ᠠᠯᠲᠠᠨ ᠤᠷᠤᠭ ᠤᠨ ᠲᠠᠶᠢᠵᠢ ᠨᠠᠷ ᠶᠡᠭᠡ ᠡᠵᠡᠨ ᠤ ᠠᠯᠲᠠᠨ | ᠤᠷᠳᠤᠨ ᠳᠤ ᠤᠷᠤᠵᠤ ᠨᠢᠨᠳᠠᠷ ᠵᠤᠯᠠ ᠡᠷᠭᠦᠵᠤ᠂ ᠵᠠᠯᠭᠠᠭᠠᠳ ᠰᠠᠷᠬᠤᠳ ᠢᠶᠠᠷ ᠭᠤᠷᠪᠠᠨ ᠲᠠᠪᠢᠭ ᠲᠠᠯᠪᠢᠭᠠᠳ᠂ ᠭᠡᠷ | ᠠᠴᠠ ᠭᠠᠷᠴᠤ ᠠᠯᠲᠠᠨ ᠤᠷᠳᠤᠨ ᠤ ᠡᠭᠦᠳᠡ ᠶᠢ ᠤᠨᠢᠰᠤᠯᠠᠳᠠᠭ᠃ ᠵᠠᠯᠭᠠᠭᠠᠳ ᠠᠯᠲᠠᠨ ᠤᠷᠳᠤᠨ ᠢᠶᠠᠨ ᠵᠦᠪ ᠢᠶᠠᠷ | ᠭᠤᠷᠪᠠ ᠶᠢᠰᠤ ᠡᠷᠭᠢᠵᠤ᠂ ᠡᠭᠦᠳᠡ ᠶᠢ ᠨᠢ ᠨᠡᠭᠡᠭᠡᠵᠤ ᠤᠷᠤᠭᠠᠳ᠂ ᠵᠤᠯᠠ᠂ ᠬᠦᠵᠢ ᠡᠷᠭᠦᠭᠡᠳ ᠢᠷᠦᠭᠡᠯᠴᠢ | ᠲᠦᠰᠢᠮᠡᠯ ︽ᠭᠠᠷᠢᠯᠢ ᠶᠢᠨ ᠠᠯᠲᠠᠨ ᠪᠢᠴᠢᠭ︾ ᠢ ᠠᠪᠴᠤ ᠡᠪᠦᠷᠲᠦᠯᠡᠭᠡᠳ ᠤᠷᠳᠤᠨ ᠠᠴᠠ ᠭᠠᠷᠴᠤ᠂ ᠡᠭᠦᠳᠡᠨ | ᠪᠤᠱᠤᠭᠠ ᠠᠴᠠ ᠭᠤᠷᠪᠠᠨ ᠠᠯᠬᠤᠮ ᠵᠠᠶᠢᠲᠠᠢ ᠴᠠᠭᠠᠨ ᠲᠤᠯᠤᠭ ᠳᠡᠪᠢᠰᠴᠤ ᠰᠢᠷᠡᠭᠡ ᠲᠠᠯᠪᠢᠭᠠᠳ᠂ ᠢᠷᠦᠭᠡᠯᠴᠢ | ᠳᠦᠰᠢᠮᠡᠯ ᠡᠩᠬᠡᠷ ᠢᠶᠠᠨ ᠰᠤᠯᠠ ᠲᠠᠯᠪᠢᠵᠤ᠂ ᠰᠢᠷᠡᠭᠡᠨ ᠳᠡᠭᠡᠷᠡ ᠵᠤᠭᠰᠤᠨ ᠲᠠᠶᠢᠵᠢ ᠨᠠᠷ ᠢᠶᠠᠷ ᠳᠦᠰᠢᠭᠦᠯᠵᠤ | ᠰᠤᠯᠤᠭᠠᠢ ᠪᠠᠷ ᠮᠤᠷᠢᠨ ᠳᠤ ᠮᠤᠷᠳᠠᠳᠠᠭ᠃ ᠲᠠᠶᠢᠵᠢ ᠨᠠᠷ ᠴᠤ ᠠᠯᠲᠠᠨ ᠤᠷᠳᠤᠨ ᠤ ᠭᠤᠯᠤᠮᠲᠠ ᠠᠴᠠ ᠪᠠᠮᠪᠠᠷ ᠢᠶᠠᠨ | ᠨᠤᠴᠤᠭᠠᠵᠤ ᠠᠪᠤᠭᠠᠳ᠂ ᠬᠦᠨᠦᠭ ᠲᠠᠢ ᠭᠠᠷᠢᠯᠢ ᠶᠢᠨ ᠦᠳᠬᠡ ᠪᠠᠨ ᠠᠪᠴᠤ᠂ ᠡᠩᠭᠡᠷ ᠢᠶᠠᠨ ᠰᠤᠯᠠ ᠲᠠᠯᠪᠢᠨ | ᠰᠤᠯᠤᠭᠠᠢ ᠪᠠᠷ ᠮᠤᠷᠳᠠᠵᠤ ᠤᠷᠳᠤᠨ ᠠᠴᠠ ᠵᠡᠭᠦᠨ ᠬᠤᠶᠢᠰᠢ ᠨᠠᠢᠮᠠᠨ ᠵᠠᠭᠤ ᠶᠡᠷᠡᠨ ᠨᠢᠬᠡᠨ ᠠᠯᠳᠠ ᠵᠠᠶᠢᠳᠠᠢ ᠪᠠᠶᠢᠬᠤ ︽ | ᠭᠠᠷᠢᠯᠢ ᠶᠢᠨ ᠰᠤᠭᠤ︾ ᠤᠷᠤᠭᠤ ᠳᠠᠪᠬᠢᠭᠤᠯᠵᠤ ᠤᠴᠢᠭᠠᠳ᠂ ᠤᠷᠢᠳᠠᠵᠤ ᠪᠡᠯᠡᠳᠬᠡᠭᠰᠡᠨ ᠶᠢᠰᠦ ᠶᠢᠰᠦ ᠪᠠᠷ | ᠤᠪᠤᠭᠠᠯᠠᠵᠤ ᠲᠠᠯᠪᠢᠭᠰᠠᠨ ᠭᠤᠷᠪᠠᠨ ᠭᠡᠰᠡᠭ ᠬᠠᠳᠠᠭᠠᠭᠰᠠᠨ ᠬᠠᠶᠢᠯᠠᠰᠤᠨ ᠮᠤᠳᠤ ᠶᠢ ᠭᠠᠯ ᠪᠠᠮᠪᠠᠷ ᠢᠶᠠᠷ ᠢᠶᠠᠨ | ᠨᠤᠴᠤᠭᠠᠵᠤ᠂ ᠭᠠᠷᠢᠯᠢ ᠶᠢᠨ ᠦᠳᠬᠡ ᠡᠷᠭᠦᠲᠡᠯᠡ ᠢᠷᠦᠭᠡᠯᠴᠢ ᠲᠦᠰᠢᠮᠡᠯ ᠡᠪᠦᠷ ᠠᠴᠠ ᠪᠠᠨ ︽ᠭᠠᠷᠢᠯᠢ ᠶᠢᠨ ᠠᠯᠲᠠᠨ | ᠪᠢᠴᠢᠭ︾ ᠭᠠᠷᠭᠠᠵᠤ ᠳᠠᠭᠤᠳᠠᠳᠠᠭ᠃ ᠢᠷᠦᠭᠡᠯᠴᠢ ᠳᠦᠰᠢᠮᠡᠯ ᠰᠠᠴᠤᠯᠢ ᠪᠠᠨ ᠶᠢᠰᠦᠨᠳᠡ ᠡᠷᠭᠦᠵᠤ ᠪᠠᠷᠠᠭᠠᠳ᠂ ᠵᠦᠪ | ᠲᠠᠯᠠ ᠶᠢᠨ ᠬᠠ᠂ ᠤᠭᠤᠷᠠᠭ ᠰᠡᠭᠦᠯ᠂ ᠬᠤᠳᠤᠭᠤᠳᠤ᠂ ᠲᠤᠭᠤᠷᠬᠠᠢ ᠶᠢ ᠬᠦᠨᠦᠭ ᠲᠤ ᠬᠢᠵᠤ᠂ ᠪᠠᠮᠪᠠᠷ ᠤᠨ | ᠦᠯᠡᠳᠡᠪᠦᠷᠢ ᠶᠢ ᠠᠪᠴᠤ ᠮᠤᠷᠢᠨ ᠳᠤ ᠪᠠᠨ ᠮᠤᠷᠳᠠᠵᠤ ᠭᠠᠷᠢᠯᠢ ᠶᠢᠨ ᠭᠤᠯᠤᠮᠲᠠ ᠪᠠᠨ ᠭᠤᠷᠪᠠ ᠡᠷᠭᠢᠵᠤ᠂ | ᠭᠠᠷᠢᠯᠢ ᠶᠢᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠡᠷᠭᠢᠵᠤ ᠬᠠᠷᠠᠯ ᠦᠭᠡᠢ ᠪᠠᠷ ᠪᠤᠴᠠᠨ ᠳᠠᠪᠬᠢᠳᠠᠭ᠃ ᠭᠠᠷᠢᠯᠢ ᠶᠢᠨ ᠬᠦᠮᠦᠰ | ᠪᠤᠴᠠᠵᠤ ᠢᠷᠡᠭᠡᠳ ᠪᠠᠮᠪᠠᠷ ᠢᠶᠠᠨ ᠡᠵᠡᠨ ᠤ ᠭᠤᠯᠤᠮᠲᠠ ᠳᠤ ᠬᠢᠵᠤ᠂ ᠭᠠᠷᠢᠯᠢ ᠶᠢᠨ ᠦᠳᠬᠡ ᠶᠢᠨ ᠦᠯᠡᠳᠡᠪᠦᠷᠢ ᠪᠠᠨ | ᠳᠠᠶᠠᠭᠠᠷ ᠲᠤ ᠬᠤᠪᠢᠶᠠᠵᠤ ᠪᠠᠷᠠᠪᠠᠯ ᠳᠠᠬᠢᠯᠭᠠ ᠳᠠᠭᠤᠰᠳᠠᠭ᠃ |