| ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠡᠪᠦᠯ ᠤᠨ ᠤᠯᠠᠷᠢᠯ ᠤᠨ ᠳᠠᠰᠠᠮᠠᠨ | ᠬᠤᠷᠢᠮ ᠬᠢᠳᠡᠭ᠃ ᠳᠠᠰᠠᠮᠠᠨ ᠬᠤᠷᠢᠮ ᠤᠨ ᠳᠤᠬᠠᠢ ᠴᠢᠩᠬᠢᠰ ᠤᠨ ᠬᠦᠢᠰᠤ ᠶᠢ ᠳᠠᠰᠠᠮᠠ ᠪᠠᠷ ᠪᠤᠭᠤᠭᠰᠠᠨ ᠢ | ᠳᠤᠷᠠᠰᠬᠠᠵᠤ ᠪᠤᠢ ᠭᠡᠳᠡᠭ᠃ ᠭᠠᠯᠳᠠᠨ ᠤ ︽ᠡᠷᠳᠡᠨᠢ ᠶᠢᠨ ᠡᠷᠢᠬᠡ︾ ᠳᠤ᠂ ︽ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ | ᠭᠤᠷᠪᠠᠨ ᠳᠤ ᠪᠤᠭᠳᠠ ᠴᠢᠩᠬᠢᠰ ᠬᠠᠭᠠᠨ ᠤ ᠬᠡᠬᠡᠨ ᠪᠡᠶᠡ ᠭᠡᠶᠢᠭᠰᠡᠨᠡ ᠤᠬᠢᠶᠠᠭᠰᠠᠨ ᠮᠢᠯᠢᠶᠠᠭᠤᠳ ᠤᠨ ᠡᠳᠦᠷ︾ | ᠬᠡᠵᠠᠢ᠃ ᠳᠠᠰᠠᠮᠠᠨ ᠳᠠᠬᠢᠯᠭᠠ ᠶᠢ ᠵᠢᠶᠦ᠋ᠨ ᠸᠠᠩ ᠤᠨ ᠬᠤᠰᠢᠭᠤᠨ ᠤ ᠸᠠᠩ ᠨᠤᠶᠠᠨ ᠤ ᠬᠢ ᠠᠴᠠ ᠬᠢᠳᠡᠭ᠃ ︽ | ᠠᠯᠲᠠᠨ ᠪᠢᠴᠢᠭ︾ ᠲᠤ᠂ ᠳᠠᠰᠠᠮᠠᠨ ᠬᠤᠷᠢᠮ ᠤᠨ ᠠᠯᠪᠠ ᠶᠢᠨ ᠳᠤᠬᠠᠢ ︽ᠳᠠᠰᠠᠮᠠᠨ ᠬᠤᠷᠢᠮ ᠳᠤ ᠤᠷᠤᠬᠤ ᠠᠯᠪᠠ | ᠨᠢᠭᠡ ᠬᠤᠤᠷᠠᠵᠠ᠂ ᠨᠢᠭᠡᠨ ᠬᠤᠨᠢ᠂ ᠠᠷᠪᠠᠨ ᠲᠠᠪᠤᠨ ᠬᠡᠮ ᠰᠠᠷᠬᠤᠳ᠂ ᠨᠢᠭᠡ ᠰᠡᠷᠬᠡ᠂ ᠰᠡᠷᠬᠡᠨ ᠤ ᠳᠠᠭᠠᠪᠤᠷᠢ | ᠮᠠᠨᠠᠮᠵᠢ ᠶᠢᠨ ᠢᠮᠠᠭᠠ ᠨᠢᠭᠡ︾ ᠭᠡᠵᠡᠢ᠃ ᠳᠠᠰᠠᠮᠠ ᠶᠢ ᠲᠤᠯᠤᠭᠠᠢ ᠠᠴᠠ ᠰᠡᠭᠦᠯ ᠭᠦᠷᠲᠡᠯᠡ ᠭᠤᠷᠪᠠᠨ ᠳᠤᠬᠤᠢ | ᠲᠠᠪᠤᠨ ᠢᠮᠠᠬᠤ ᠤᠷᠳᠤ᠂ ᠢᠰᠢᠭᠡᠨ ᠠᠴᠠ ᠨᠢ ᠰᠠᠮᠨᠠᠵᠤ ᠬᠢᠷᠭᠠᠭᠰᠠᠨ ᠦᠭᠡᠢ ᠤᠩᠭᠤᠯᠠᠭᠰᠠᠨ ᠰᠡᠷᠬᠡ ᠶᠢᠨ | ᠠᠷᠠᠰᠤ ᠪᠠᠷ ᠬᠢᠳᠡᠭ᠃ ᠳᠠᠰᠠᠮᠠ ᠬᠢᠬᠦ ᠢᠮᠠᠭᠠ ᠪᠠᠨ ᠰᠦ ᠰᠠᠭᠠᠯᠢ ᠪᠠᠷ ᠮᠢᠯᠢᠶᠠᠭᠰᠠᠨ ᠤ ᠳᠠᠷᠠᠭᠠ᠂ ᠴᠠᠭᠠᠨ ᠲᠤᠯᠤᠭ | ᠳᠡᠭᠡᠷᠡ ᠰᠢᠯᠭᠡᠭᠡᠯᠭᠡᠵᠤ ᠠᠮᠠᠨ ᠳᠡᠭᠡᠷᠡ ᠨᠢ ᠴᠠᠭᠠᠨ ᠬᠠᠳᠠᠭ ᠲᠠᠯᠪᠢᠭᠠᠳ ᠳᠠᠷᠬᠠᠳ ᠤᠨ ᠭᠠᠯᠴᠢ ᠠᠴᠠ ᠦᠷᠦᠴᠡᠯᠡᠵᠤ | ᠠᠯᠠᠳᠠᠭ᠃ ᠮᠢᠬᠠ ᠶᠢ ᠨᠢ ᠴᠢᠨᠠᠵᠤ ᠱᠦᠯᠦᠨ ᠳᠤ ᠨᠢ ᠰᠢᠭᠢᠷ ᠪᠤᠷᠠᠮ᠂ ᠦᠵᠦᠮ᠂ ᠴᠢᠪᠠᠭᠠ ᠬᠢᠵᠤ ᠴᠢᠨᠠᠭᠠᠳ | ᠬᠦᠷᠦᠭᠡᠭᠰᠡᠨ ᠤ ᠳᠠᠷᠠᠭᠠ᠂ ᠲᠠᠪᠤᠨ ᠵᠢᠩ ᠠᠷᠢᠬᠢ ᠬᠢᠵᠤ ᠠᠷᠠᠰᠤ ᠪᠠᠨ ᠢᠳᠡᠭᠡᠯᠡᠭᠡᠳ ᠬᠤᠯᠤᠰᠤᠨ ᠬᠢᠲᠤᠭᠠ ᠪᠠᠷ | ᠬᠤᠰᠤᠵᠤ ᠢᠯᠬᠢ ᠪᠤᠯᠭᠠᠭᠠᠳ᠂ ᠵᠢᠷᠭᠤᠭᠠᠨ ᠬᠤᠯᠤᠰᠤᠨ ᠬᠠᠳᠠᠭᠠᠰᠤ ᠪᠠᠷ ᠳᠡᠯᠡᠵᠤ ᠬᠠᠳᠠᠭᠠᠳ ᠭᠤᠤᠯ | ᠨᠢᠷᠤᠭᠤ ᠪᠠᠷ ᠨᠢ ᠵᠢᠷᠤᠭᠠᠰᠤ ᠳᠠᠲᠠᠵᠤ ᠵᠢᠷᠤᠭᠠᠰᠤ ᠶᠢᠨ ᠬᠤᠶᠠᠷ ᠲᠠᠯᠠ ᠪᠠᠷ ᠶᠢᠰᠤ ᠶᠢᠰᠤ ᠵᠦᠰᠦᠵᠤ᠂ ᠠᠷᠪᠠᠨ | ᠨᠠᠢᠮᠠᠨ ᠨᠠᠷᠢᠨ ᠳᠠᠰᠠᠮᠠ ᠬᠢᠳᠡᠭ᠃ ᠳᠠᠰᠠᠮᠠ ᠪᠠᠨ ᠶᠢᠰᠦ ᠶᠢᠰᠦ ᠪᠠᠷ ᠬᠤᠶᠠᠷ ᠭᠡᠰᠡᠭ ᠪᠤᠭᠤᠵᠤ ᠴᠢᠩᠬᠢᠰ ᠤᠨ | ᠬᠠᠭᠤᠷᠴᠠᠭ ᠳᠤᠲᠤᠷᠠ ᠠᠴᠠ ᠬᠠᠭᠤᠴᠢᠨ ᠳᠠᠰᠠᠮᠠ ᠪᠠᠨ ᠭᠠᠷᠭᠠᠵᠤ᠂ ᠰᠢᠨᠡ ᠳᠠᠰᠠᠮᠠ ᠪᠠᠨ ᠬᠢᠵᠤ ᠤᠷᠤᠭᠤᠯᠤᠭᠠᠳ᠂ | ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠳᠠᠭᠢᠯᠭᠠ ᠪᠠᠨ ᠬᠢᠳᠡᠭ᠃ ᠳᠠᠭᠢᠯᠭᠠ ᠶᠢᠨ ᠳᠡᠰ ᠳᠠᠷᠠᠭᠠ ᠪᠤᠰᠤᠳ ᠤᠯᠠᠷᠢᠯ ᠤᠨ | ᠳᠠᠭᠢᠯᠭᠠ ᠲᠠᠢ ᠠᠳᠠᠯᠢ᠃ |