| ᠰᠠᠷᠠ ᠪᠦᠷᠢ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ᠂ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠴᠤᠮᠴᠤᠭ | ᠤᠷᠳᠤᠨ ᠳᠤ ᠡᠷᠭᠦᠬᠦ ᠳᠤᠭᠲᠠᠭᠠᠯ ᠶᠤᠰᠤᠨ ᠤ ᠳᠠᠭᠢᠯᠭᠠ᠂ ᠪᠠᠰᠠ ᠪᠠᠭᠠ ᠳᠠᠭᠢᠯᠭᠠ ᠭᠡᠳᠡᠭ᠃ ᠰᠠᠷᠠ ᠶᠢᠨ | ᠳᠠᠭᠢᠯᠭᠠ ᠳᠤ ᠵᠢᠰᠢᠶᠠᠨ ᠳᠤ ᠰᠠᠭᠤᠵᠤ ᠪᠠᠶᠢᠬᠤ ᠳᠠᠷᠬᠠᠳ ᠠᠴᠠ ᠭᠠᠳᠠᠨᠠ᠂ ᠲᠠᠶᠢᠰᠢ᠂ ᠭᠦᠬᠦᠬᠡ᠂ ᠲᠤᠤᠯᠢ᠂ | ᠮᠠᠩᠯᠠᠢ ᠴᠤᠯᠠ ᠲᠠᠢ ᠲᠠᠷᠬᠠᠳ ᠤᠨ ᠲᠥᠷᠪᠡᠨ ᠶᠠᠮᠤᠲᠠᠳ ᠤᠷᠤᠯᠴᠠᠳᠠᠭ᠃ ᠰᠠᠷᠠ ᠶᠢᠨ ᠳᠠᠬᠢᠯᠭᠠ ᠶᠢᠨ ᠵᠠᠷᠤᠳᠠᠯ ᠳᠤ | ᠵᠢᠯ ᠪᠦᠷᠢ ᠲᠠᠪᠤᠨ ᠵᠠᠭᠤᠨ ᠯᠠᠩ ᠮᠦᠩᠬᠦ ᠬᠡᠷᠡᠭᠯᠡᠵᠤ᠂ ᠲᠠᠪᠤᠨ ᠵᠠᠭᠤᠨ ᠡᠷᠦᠬᠡ ᠲᠠᠷᠬᠠᠳ ᠠᠴᠠ ᠳᠡᠰᠬᠡᠨ ᠠᠪᠳᠠᠭ᠃ | | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠳᠠᠬᠢᠯᠭᠠ ᠨᠢ ᠰᠠᠷᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠡᠬᠢᠯᠡᠯᠲᠡ ᠪᠤᠯᠬᠤᠷ᠂ | ᠲᠠᠭᠢᠯᠭᠠ ᠶᠢᠨ ᠶᠠᠪᠤᠴᠠ ᠨᠢ ᠬᠠᠮᠤᠭ ᠠᠴᠠ ᠪᠦᠷᠢᠨ ᠪᠦᠲᠦᠨ ᠪᠠᠶᠢᠳᠠᠭ᠃ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠳᠠᠬᠢᠯᠭᠠ ᠳᠤ | ᠶᠢᠰᠤᠨ ᠦᠳᠬᠡ᠂ ᠶᠢᠰᠤᠨ ᠬᠡᠮ ᠠᠷᠢᠬᠢ᠂ ᠬᠤᠶᠠᠷ ᠵᠠᠭᠤᠨ ᠵᠢᠩ ᠭᠤᠯᠢᠷ ᠤᠨ ᠵᠠᠩᠰᠠ ᠪᠤᠭᠤᠷᠰᠤᠭ᠂ ᠭᠤᠷᠪᠠᠨ | ᠰᠠᠭᠤᠯᠠᠭᠠ ᠤᠯᠠᠭᠠᠨ ᠴᠢᠪᠠᠭᠠ ᠪᠤᠯᠤᠨ ᠮᠦᠰᠦᠨ ᠰᠢᠬᠢᠷ᠂ ᠴᠠᠭᠠᠨ ᠰᠢᠬᠢᠷ᠂ ᠪᠤᠷᠠᠮ᠂ ᠪᠠᠯ᠂ ᠦᠵᠦᠮ ᠵᠡᠷᠭᠡ | ᠠᠮᠳᠠᠳᠤ ᠢᠳᠡᠭᠡᠨ ᠢ ᠠᠷᠪᠠᠨ ᠵᠢᠩ ᠬᠡᠷᠡᠭᠯᠡᠳᠡᠭ᠃ ︽ᠳᠠᠭᠢᠯᠭᠠ ᠶᠢᠨ ᠳᠠᠷᠤᠮᠵᠢ︾ ᠳᠤ᠂ ︽ᠴᠠᠭᠠᠨ ᠰᠠᠷᠠ ᠶᠢᠨ | ᠰᠢᠨᠡ ᠶᠢᠨ ᠨᠢᠬᠡᠨ ᠤ ᠳᠠᠬᠢᠯᠭᠠ ᠨᠢ ᠠᠩᠬᠠᠨ ᠳᠤᠷ ᠨᠢᠨᠳᠠᠷ ᠡᠷᠭᠦᠬᠦ᠂ ᠵᠤᠯᠠ ᠡᠷᠭᠦᠬᠦ᠂ ᠦᠳᠬᠡ ᠡᠷᠭᠦᠬᠦ᠂ ᠬᠦᠵᠢ | ᠳᠠᠭᠤᠳᠠᠬᠤ᠂ ᠭᠠᠯ ᠳᠠᠬᠢᠬᠤ᠂ ᠠᠷᠪᠠᠨ ᠶᠠᠮᠤ ᠲᠦᠭᠡᠭᠡᠬᠦ᠂ ᠭᠠᠳᠠᠨᠠ ᠶᠢᠨ ᠢᠷᠦᠭᠡᠯ ᠳᠠᠯᠪᠢᠨᠠ᠂ ᠳᠤᠲᠤᠷᠠ ᠬᠦᠵᠢ | ᠳᠠᠭᠤᠳᠠᠨᠠ᠂ ᠴᠠᠭᠤ ᠬᠠᠷᠢᠭᠤᠯᠤᠨᠠ᠂ ᠦᠳᠬᠡ ᠬᠠᠷᠢᠭᠤᠯᠤᠨᠠ᠂ ᠬᠤᠮᠬᠠ ᠶᠢᠨ ᠢᠷᠦᠭᠡᠯ ᠲᠠᠯᠪᠢᠨᠠ︾ ᠬᠡᠵᠤ | ᠲᠡᠮᠲᠡᠭᠯᠡᠵᠠᠢ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠡᠩ ᠲᠡᠷᠢᠬᠦᠨ ᠳᠤ ᠰᠠᠩ ᠲᠠᠯᠪᠢᠵᠤ᠂ ︽ᠡᠵᠡᠨ ᠰᠠᠩ︾ | ᠤᠩᠰᠢᠵᠤ ᠪᠠᠷᠠᠭᠠᠳ ᠭᠤᠯᠣᠮᠲᠠ ᠪᠠᠨ ᠳᠠᠬᠢᠳᠠᠭ᠃ ᠲᠤᠤᠯᠢ ᠶᠠᠮᠤᠲᠤ ᠠᠴᠠ ᠬᠤᠨᠢᠨ ᠤ ᠤᠭᠤᠷᠠᠭ ᠰᠡᠭᠦᠯ ᠢ ᠠᠴᠠ | ᠮᠤᠳᠤᠨ ᠳᠤ ᠬᠠᠳᠬᠤᠵᠤ ᠲᠤᠯᠭᠠ ᠦᠭᠡᠳᠡ ᠤᠢᠢᠷᠠᠲᠤᠭᠤᠯᠬᠤ ᠳᠤ ᠬᠦᠭᠡᠴᠢᠨ ᠠᠴᠠ ︽ᠠᠯᠲᠠᠨ ᠤᠷᠳᠤᠨ ᠤ | ᠭᠤᠯᠤᠮᠲᠠ ᠶᠢᠨ ᠪᠠᠭᠠ ᠦᠴᠢᠭ︾ ᠢ ᠳᠠᠭᠤᠳᠠᠳᠠᠭ᠃ ᠪᠠᠭᠠ ᠦᠴᠢᠭ ᠢ ᠳᠠᠭᠤᠳᠠᠵᠤ ᠳᠡᠭᠦᠰᠬᠦ ᠳᠤ ᠲᠤᠤᠯᠢ ᠶᠠᠮᠤᠲᠤ | ᠠᠴᠠ ᠮᠤᠳᠤᠨ ᠳᠤ ᠬᠠᠳᠬᠤᠭᠰᠠᠨ ᠰᠡᠭᠦᠯ ᠢᠶᠠᠷ ᠢᠶᠠᠨ ᠲᠤᠯᠭᠠ ᠶᠢᠨ ᠤᠴᠤᠭ ᠢ ᠲᠦᠭᠡᠨᠡᠳᠡᠭ᠃ ᠡᠬᠦᠨ ᠢ ᠭᠤᠯᠤᠮᠳᠠ | ᠲᠦᠭᠡᠨᠡᠬᠦ ᠭᠡᠳᠡᠭ᠃ ᠢᠩᠬᠢᠭᠡᠳ ᠭᠠᠯ ᠳᠤ ᠰᠠᠷᠬᠤᠳ ᠭᠤᠷᠪᠠᠨᠳᠠ ᠳᠤᠰᠤᠭᠠᠵᠤ ᠬᠦᠰᠬᠦᠯᠡᠭᠰᠡᠨ ᠬᠤᠨᠢᠨ ᠤ | ᠰᠡᠭᠦᠯ ᠢᠶᠠᠨ ᠳᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠳ ᠲᠤ ᠲᠦᠭᠡᠭᠡᠨ ᠦᠭᠬᠦ ᠳᠤ ᠳᠠᠶᠠᠭᠠᠷ ᠬᠤᠨᠢᠨ ᠰᠡᠭᠦᠯ ᠢᠶᠠᠨ ᠬᠢᠯᠭᠠᠨᠠ᠂ | ᠬᠠᠶᠢᠯᠠᠰᠤᠨ ᠮᠤᠳᠤ ᠲᠠᠢ ᠬᠠᠮᠲᠤ ᠭᠤᠯᠤᠮᠲᠠ ᠳᠤ ᠡᠷᠭᠦᠳᠡᠭ᠃ ᠡᠨᠡ ᠨᠢ ᠭᠤᠯᠤᠮᠲᠠ ᠳᠠᠬᠢᠬᠤ ᠶᠤᠰᠤᠯᠠᠯ ᠪᠤᠯᠤᠨᠠ᠃ | ᠭᠤᠯᠤᠮᠲᠠ ᠳᠠᠬᠢᠭᠰᠠᠨ ᠤ ᠳᠠᠷᠠᠭᠠ᠂ ᠲᠤᠤᠯᠢ ᠶᠠᠮᠤᠲᠤ ᠠᠴᠠ ᠨᠢᠨᠳᠠᠷ ᠢ ᠡᠷᠭᠦᠬᠦ ᠳᠤ ᠳᠠᠶᠠᠭᠠᠷ ᠴᠤ ᠬᠤᠶᠠᠷ | ᠭᠠᠷ ᠢᠶᠠᠨ ᠰᠤᠩᠭᠠᠨ ᠬᠠᠳᠠᠭ ᠨᠢᠨᠳᠠᠷ ᠡᠷᠭᠦᠵᠤ ᠪᠠᠶᠢᠭᠠ ᠮᠠᠶ᠋ᠢᠭ ᠲᠠᠢ ᠰᠦᠭᠦᠷᠡᠭᠦ ᠳᠤ ᠬᠦᠭᠡᠴᠢᠨ ᠶᠠᠮᠤᠲᠤ ᠠᠴᠠ | ᠵᠤᠯᠠ ᠶᠢᠨ ᠢᠷᠦᠭᠡᠯ ᠵᠢᠴᠢ ︽ᠠᠯᠲᠠᠨ ᠤᠷᠳᠤᠨ ᠤ ᠪᠠᠭᠠ ᠦᠴᠢᠭ︾ ᠳᠠᠭᠤᠳᠠᠳᠠᠭ᠃ ᠡᠭᠦᠨ ᠤ ᠳᠠᠷᠠᠭᠠ᠂ | ᠲᠤᠤᠯᠢ᠂ ᠴᠠᠷᠪᠢ ᠬᠤᠶᠠᠷ ᠶᠠᠮᠤᠲᠤ ᠠᠴᠠ ᠳᠡᠪᠰᠢ ᠲᠠᠢ ᠦᠳᠬᠡ ᠶᠢ ᠡᠷᠭᠦᠨ ᠪᠠᠷᠢᠬᠤ ᠳᠤ ᠬᠦᠭᠡᠴᠢᠨ ᠠᠴᠠ | ᠦᠳᠬᠡ ᠶᠢᠨ ᠢᠷᠦᠭᠡᠯ ᠤᠩᠰᠢᠨᠠ᠃ ᠳᠠᠷᠠᠭᠠ ᠨᠢ ᠶᠡᠭᠡ ᠮᠠᠩᠯᠠᠢ ᠶᠠᠮᠤᠲᠤ ᠰᠠᠷᠬᠤᠳ ᠡᠷᠭᠦᠬᠦ ᠳᠤ ᠬᠦᠬᠡᠴᠢᠨ ᠠᠴᠠ | ᠰᠠᠷᠬᠤᠳ ᠤᠨ ᠢᠷᠦᠭᠡᠯ ᠬᠡᠯᠡᠳᠡᠭ᠃ ᠡᠭᠦᠨ ᠤ ᠳᠠᠷᠠᠭᠠ ᠶᠢᠰᠤᠨ ᠲᠠᠪᠢᠭ ᠲᠠᠯᠪᠢᠵᠤ᠂ ᠴᠠᠷᠭᠢ ᠶᠢᠨ ᠳᠠᠭᠤᠤ | ᠳᠠᠭᠤᠯᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠳᠤᠲᠤᠷᠠ ᠬᠦᠵᠢ ᠲᠠᠯᠪᠢᠬᠤ ᠭᠡᠵᠤ ᠭᠤᠷᠪᠠᠨ ᠬᠦᠵᠢ ᠰᠢᠳᠠᠭᠠᠵᠤ ᠳᠠᠭᠤᠰᠪᠠᠯ᠂ | ᠬᠤᠮᠬᠠ ᠶᠢᠨ ᠢᠷᠦᠭᠡᠯ ᠬᠡᠯᠡᠨᠡ᠃ ᠡᠬᠦᠨ ᠤ ᠳᠠᠷᠠᠭᠠ᠂ ᠭᠠᠯᠴᠢ ᠠᠴᠠ ᠦᠳᠬᠡ ᠶᠢᠨ ᠳᠡᠭᠡᠵᠢ ᠶᠢ ᠡᠨᠡ ᠳᠦᠷᠪᠡᠨ | ᠳᠠᠷᠬᠠᠳ ᠲᠤ ᠳᠤᠰ ᠳᠤᠰ ᠬᠤᠪᠢ ᠦᠭᠴᠤ ᠪᠠᠷᠠᠭᠠᠳ ᠳᠠᠷᠠᠭᠠ ᠨᠢ ᠳᠠᠶᠠᠭᠠᠷ ᠲᠤ ᠬᠡᠰᠢᠭ ᠲᠦᠭᠡᠭᠡᠳᠡᠭ᠃ ᠡᠭᠦᠨ ᠢ | ᠶᠠᠮᠤ ᠲᠦᠭᠡᠭᠡᠬᠦ ᠭᠡᠨᠡ᠃ ᠶᠠᠮᠤ ᠲᠦᠭᠡᠭᠡᠵᠤ ᠳᠠᠭᠤᠰᠪᠠᠯ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠳᠠᠭᠢᠯᠭᠠ | ᠲᠡᠭᠦᠰᠳᠡᠭ᠃ ᠪᠤᠰᠤᠳ ᠰᠠᠷᠠ ᠶᠢᠨ ᠳᠠᠬᠢᠯᠭᠠ ᠶᠢᠨ ᠶᠡᠷᠦᠩᠬᠡᠢ ᠶᠠᠪᠤᠴᠠ ᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠳᠠᠬᠢᠯᠭᠠ ᠶᠢᠨ | ᠶᠠᠪᠤᠴᠠ ᠲᠠᠢ ᠶᠡᠭᠡ ᠲᠥᠯᠥᠪ ᠠᠳᠠᠯᠢ᠂ ᠵᠦᠪᠬᠡᠨ ᠳᠠᠭᠢᠯᠭᠠ ᠶᠢᠨ ᠡᠷᠭᠦᠴᠡ ᠨᠢ ᠪᠠᠭᠠ ᠵᠦᠷᠢᠶᠡᠨ ᠲᠠᠢ ᠪᠠᠶᠢᠳᠠᠭ᠃ | ᠬᠤᠶᠠᠷ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠨᠢᠬᠡ ᠬᠤᠨᠢ᠂ ᠨᠢᠭᠡ ᠬᠡᠮ ᠠᠷᠢᠬᠢ᠂ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ | ᠭᠤᠷᠪᠠᠨ ᠬᠤᠨᠢ᠂ ᠭᠤᠷᠪᠠᠨ ᠬᠡᠮ ᠠᠷᠢᠬᠢ ᠪᠠᠷ ᠳᠠᠬᠢᠳᠠᠭ᠃ |